தமிழகத்துக்கு கல்வி நிதி தர மத்திய அரசு மறுப்பு தெரிவிக்கிறது: உயர்கல்வி அமைச்சர் குற்றச்சாட்டு

சென்னை: தமிழகத்​துக்கு கல்வி நிதி தர மத்​திய அரசு மறுக்​கிறது என்​று, சென்​னை​யில் நடை​பெற்ற மகளிர் கல்​லூரி பட்டமளிப்பு விழா​வில், உயர்​கல்​வித்​துறை அமைச்​சர் கோவி.செழியன் குற்​றம்​சாட்​டி​னார். சென்​னை, ராணி மேரி கல்​லூரி​யின் 105-வது பட்டமளிப்பு விழா, நேற்று நடை​பெற்​றது.

இதில் உயர்​கல்​வித் துறை அமைச்​சர் கோவி.செழியன் கலந்து கொண்டு சிறப்​பிடம் பெற்ற 100 மாணவி​களுக்கு பதக்​கங்​கள் அணி​வித்து பட்​டங்​களை வழங்​கி​னார்.

மொத்​தம் 1,424 பேருக்கு பட்​டம் வழங்​கப்​பட்​டது. தொடர்ந்து அமைச்​சர் கோவி.செழியன் பேசி​ய​தாவது:தமிழகத்​தில் உயர்கல்வியை மேம்​படுத்த முதல்​வர் ஸ்டா​லின் பல்​வேறு நடவடிக்​கைகளை எடுத்து வரு​கிறார்.

இந்த ஆண்டு புதி​தாக 15 அரசு கலை அறி​வியல் கல்​லூரி​கள் தொடங்​கப்​பட்​டுள்​ளன. ஏழை மாணவ, மாணவி​கள் பயன்​பெறும் வகை​யில், அரசு கலை அறி​வியல் கல்​லூரி​களில் கூடு​தலாக 20 சதவீத இடங்​கள் உருவாக்கப்​பட்​டுள்​ளன.

கல்விக்கு முக்கியத்துவம்: அரசு பள்​ளி​யில் படித்து உயர் கல்விக்​குச் செல்​லும் மாணவி​கள் பயன்​பெறும் வகை​யில், தமிழக அரசு புது​மைப் பெண் திட்​டத்தை செயல்​படுத்தி வரு​கிறது. இத்​திட்​டத்​தின் கீழ், ராணி மேரி கல்​லூரி​யில் மட்​டும் ஆயிரத்​துக்​கும் மேற்​பட்ட மாணவி​கள் பயன்​பெற்று வரு​கின்​றனர்.

தமிழக அரசு கல்விக்கு அதிக முக்​கி​யத்​து​வம் கொடுத்து வரும் நிலை​யில்,மத்​திய அரசு, தமிழகத்​துக்கு கல்வி நிதி தர மறுத்து வருகிறது. அதோடு, பல்​கலைக் கழகங்​களில் துணைவேந்​தர் நியமனத்​திலும் இடையூறுகளை செய்து வரு​கிறது.

எத்​தனை இடையூறுகள் வந்​தா​லும் அவற்றை எல்​லாம் உடைத்து தமிழகத்​தில் கல்​வியை உச்​சத்​துக்கு எடுத்​துச் செல்​வார் முதல்வர் ஸ்டா​லின். இவ்​வாறு அமைச்​சர் பேசி​னார். விழா​வில், கல்​லூரி​யின் முதல்​வர் பி.உமா மகேஸ்​வரி, தேர்வு கட்​டுப்​பாட்டு அலு​வலர் எஸ்​.​சாந்​தி, மயி​லாப்​பூர் எம்​எல்ஏ த.வேலு, கல்​லூரி கல்வி ஆணை​யர் ஏ.சுந்​தர​வல்​லி, பேராசிரியைகள், மாணவி​கள்​, பெற்​றோர்​ பங்கேற்றனர்.