திமுக ஐடி விங்கை சேர்ந்தவர்களுக்கு ஏபிஆர்ஓ பணி வழங்குவதா? - பழனிசாமி குற்றச்சாட்டு

சென்னை: ​வி​தி​களைமீறி திமுக ஐடி விங்கை சேர்ந்​தவர்​களை ஏபிஆர்ஓ பணி​யிடங்​களில் நியமிக்க திமுக அரசு நடவடிக்கை எடுத்து வரு​வ​தாக அதி​முக பொதுச்​செய​லா​ளர் பழனி​சாமி குற்​றம்​சாட்​டி​யுள்​ளார்.

இதுதொடர்​பாக அவர் வெளி​யிட்ட அறிக்​கை​யில் கூறி​யிருப்​ப​தாவது: தமிழகத்​தில் உதவி மக்​கள் தொடர்பு அலு​வலர் (ஏபிஆர்ஓ) பணி​யிடங்​களில் நியமனம் செய்ய சென்னை உயர்​நீ​தி​மன்​றம் தெளி​வான வழி​காட்​டு​தல்​களு​டன் கூடிய தீர்ப்​பு​களை வழங்கி இருக்​கிறது. அத்​தீர்ப்​பு​களை மீறி ஸ்டா​லின் அரசு, திமுக ஐடி விங் பணி​யாளர்​களை தகு​தி​யின்றி நியமிக்க முயல்​வ​தாக செய்​தி​கள் வரு​கின்​றன. இதற்கு எனது கண்​டனத்​தைத் தெரி​வித்​துக் கொள்​கிறேன்.

சென்னை உயர் நீதி​மன்ற தலைமை நீதிபதி தலை​மையி​லான முதல் பெஞ்ச் 2016-ம் ஆண்டு வழங்​கிய தீர்ப்​பில், ஏபிஆர்ஓ ஆள்​சேர்ப்​புக்​கான விதி​களை தளர்த்​து​வது, தகு​தி​யானவர்​களை புறக்​கணிப்​பது நியாயமற்​றது என்று கண்​டித்​து, விதி​களைத் தளர்த்​து​வது, விதி​விலக்​காக மட்​டும் இருக்க வேண்​டுமே தவிர, வழக்​க​மான நடை​முறை​யாக இருக்​கக் கூடாது என்று தெளி​வாகத் தெரி​வித்​திருந்​தது.

இந்​நிலை​யில், ஏபிஆர்ஓ பணிக்கு இளங்​கலை பட்​டப்​படிப்​புடன், பத்​திரிகை மற்​றும் மக்​கள் தொடர்பு அல்​லது மீடியா சயின்ஸ் படிப்பு கட்​டாய​மாக்​கப்​பட்ட அரசாணையை திரும்​பப் பெற திமுக அரசு முடி​வெடுத்​திருப்​ப​தாகத் தெரிய​வரு​கிறது. இது, தகு​தி​யற்​றவர்​களை​யும், ஆட்​சி​யாளர்​களுக்கு வேண்​டிய​வர்​களை​யும் ஏபிஆர்ஓ பணிக்கு நியமிக்​கும் திமுக அரசின் மோச​மான முயற்​சி​யாகவே கருதப்​படு​கிறது.

திமுக அரசு, ஏபிஆர்ஓ பணி​யின் அடிப்​படைத் தகு​தி​களை புறக்​கணித்​து, திமுக ஐடி விங்கை சேர்ந்​தவர்​களை, பத்​திரி​கைத் துறை​யில் எந்த அனுபவமோ கல்​வித் தகு​தியோ இல்​லாமல், தற்​காலிக நியமனம் என்ற பெயரில் வயது, சாதி, மகளிர், ஊனமுற்​றோர் ஒதுக்​கீடு விதி​களுக்​கு, விதி​விலக்கு அளித்து நியமிக்க முயல்​வ​தாகத் தெரிய​வரு​கிறது. மேலும், தேர்​தல் ஆதா​யத்​துக்கு இவர்​களைப் பயன்​படுத்​து​வதற்​கான உள்​நோக்​க​மாகவே தோன்​று
கிறது.

பத்​திரிகை மற்​றும் மக்​கள் தொடர்​புத் துறை​யில் கல்வி கற்​று, வேலை​வாய்ப்​புக்​காக காத்​திருக்​கும் ஆயிரக்​கணக்​கான இளைஞர்​களின் கனவு​களைத் தகர்க்​கும் இந்த முடிவு, தமிழக இளைஞர்​களின் எதிர்​காலத்​தைப் பறிப்​ப​தாக உள்​ளது. இதற்கு மாணவர்​கள் மற்​றும் பத்​திரி​கைத் துறை​யினர் மத்​தி​யில் கடும் எதிர்ப்பு கிளம்​பி​யுள்​ளது.

சென்னை உயர் நீதி​மன்ற உத்​தர​வு​களை மதித்​து, தற்​காலிக நியமனம் என்ற பெயரில் தகு​தி​யற்​றவர்​களை நியமிக்​கும் முயற்​சியை உடனடி​யாக கைவிட வேண்​டும். கடந்த 2022-ம் ஆண்டு இந்த அரசு வெளி​யிட்ட அரசாணை​யின்​படி ஏபிஆர்ஓ பணிக்கு பத்​திரிகை மற்​றும் மக்​கள் தொடர்பு அல்​லது மீடியா சயின்ஸ் துறை​யில் குறைந்​த​பட்​சம் டிப்​ளமோ அல்​லது பட்​டப்படிப்பு முடித்​தவர்​களை, டிஎன்​பிஎஸ்சி மூலம் மட்​டுமே நியமிக்க வேண்​டும்​. இவ்​வாறு அறிக்​கை​யில்​ கூறப்​பட்​டுள்​ளது.