தமிழக வாழ்வுரிமை கட்சி பாமகவுடன் இணையாது: தலைவர் வேல்முருகன் திட்டவட்டம்

கடலூர்: தமிழக வாழ்​வுரிமைக் கட்சி பாமக-வுடன் இணை​யாது என்று அக்​கட்​சி​யின் தலை​வர் வேல்​முரு​கன் கூறி​னார். கடலூரில் செய்​தி​யாளர்​களிடம் அவர் நேற்று கூறிய​தாவது: ராம​தாஸ்​-அன்​புமணி இடையே​யான பிரச்​சினை​யில் ராம​தாஸ் மனம் வருந்​தி, கண்​ணீர் விட்​டதை கண்டு நாங்​கள் வருத்​தம் அடைந்​தோம். பாமக​வில் தற்​போது ஏற்​பட்​டுள்ள குழப்​பம் தீர வேண்​டுமென விரும்​பு​கிறோம்.

மன வருத்​தத்​தில் இருந்த ராம​தாஸை, எனது சகோ​தரர் திரு​மால்​வளவன் நேரில் சந்​தித்​து, ஆறு​தல் தெரி​வித்​துள்​ளார். இந்த சந்​திப்​பில் வேறு எந்த நோக்​க​மும் இல்​லை. ராம​தாஸ், அன்​புமணி​யின் பணத்​தை​யும், சொத்​தை​யும் எடுத்​து​வந்​து​விட்​ட​தாக எங்​கள் மீது விமர்​சனங்​கள் முன்​வைக்​கப்​பட்​டன. அந்​தப் பேச்​சுக்கு முற்​றுப்​புள்ளி வைப்​பது​போல, ராம​தாஸ் தாய் உள்​ளத்​துடன் எனது சகோ​தரருடன் பேசி​யிருக்​கிறார். கடந்​த​கால கசப்​பு​களை மறந்​து, எப்​போது வேண்​டு​மா​னாலும் என்​னைத் தொடர்பு கொண்டு பேசலாம் என அன்​புமணி​யும் தெரி​வித்​துள்​ளார்.

இதனால் எனக்கு மனநிறைவு ஏற்​பட்​டுள்​ளது. நான் களங்​கமற்​றவன் என்​பது நிரூபிக்​கப்​பட்​டுள்​ளது. இந்​நிலை​யில், நான் பாமக​வில் சேர்ந்​து, ராம​தாஸுடன் பயணிக்க உள்​ள​தாக தவறான தகவல்​கள் பரப்​பப்​படு​கின்​றன. தமிழக வாழ்​வுரிமைக் கட்சி பாமக​வுடன் சேராது.

விஜய் மீதான விமர்​சனம்.. சேலத்​தில் நடந்த விழா​வில், தவெக தலை​வர் விஜய் குறித்து நான் பேசி​யதை திரித்து கூறுகிறார்​கள். நடிகர் விஜய் கட்சி தொடங்​கிய நிலை​யில், தமிழ​னாக வரவேற்​றேன். அவர் மீது எந்த விமர்​சன​மும் வைக்​க​வில்​லை.

சினி​மா​வில் கோடிக்​கணக்​கில் சம்​பா​தித்​து​விட்​டு, பின்​னர் அரசி​யலுக்கு வரு​வதைப் பற்​றித்​தான் விமர்​சனம் செய்​தேன். எனது முழு கருத்​தை​யும் கேட்​காமல், இதற்கு மன்​னிப்பு கேட்க வேண்​டும் என்று அவரது கட்சி நிர்​வாகி​கள் பேசி வரு​கின்​றனர். இதை விஜய் தடுத்து நிறுத்த வேண்​டும். இவ்​வாறு வேல்​முரு​கன் கூறி​னார்.