அதிமுக-பாஜக வாக்குகளை பிரிக்க விஜய் மூலம் சதி: அர்ஜுன் சம்பத் குற்றச்சாட்டு

தஞ்சாவூர்: அ​தி​முக -பாஜக கூட்​டணி வாக்​கு​களை பிரிக்க விஜய் மூலம் திமுக சதி செய்​கிறது என்று இந்து மக்கள் கட்​சித் தலை​வர் அர்​ஜுன் சம்​பத் கூறி​னார்.

தஞ்​சாவூர் மாவட்​டம் பட்​டுக்​கோட்டை வளவன்​புரத்​தில் வராஹி அம்​மன் கோயி​லில் இந்து மக்​கள் கட்சி சார்​பில் நேற்று நடை​பெற்ற சத்​ரு சம்​ஹார யாகத்​தில் கலந்​து​கொண்ட அர்​ஜுன் சம்​பத், பின்​னர் செய்​தி​யாளர்​களிடம் கூறிய​தாவது: பயங்​கர​வாதத்தை வளர்க்​கும் பாகிஸ்​தான் மற்​றும் பயங்​கர​வாதம் அழிய​வும், நமது நாட்​டின் ராணுவம் வலிமை பெற​வும், யுத்​த​த்தில் வெற்றி பெற​வும் தெய்வ பலம் எப்​போதும் அவசி​யம் என்​ப​தால், சத்​ரு சம்​ஹார யாகம் நடத்தி உள்​ளோம்.

தமிழகத்​தில் விவ​சா​யிகளின் நலன் காக்​கும் திட்​டங்​களுக்கு நிதி இல்லை என்​கிறார்​கள். ஆனால், கருணாநிதி பெயரில் பல்​கலைக்​கழகம், சிலை, மணிமண்​டபம் என்​றால் உடனே நிதி ஒதுக்​கீடு செய்​கிறார்​கள். நடிகர் விஜய் ரசிகர் மன்​றத்தை சார்ந்​தவர்​கள், வரவேற்பு என்ற பெயரில் கோவை மற்​றும் மதுரை​யில் பொது சொத்தை சேதப்​படுத்​தி, மக்​களுக்கு தொந்​தரவு செய்​துள்​ளனர்.

அதி​முக, பாஜக கூட்​ட​ணியை மக்​கள் ஆதரிக்​கத் தொடங்​கி​விட்​டனர். இந்​தக் கூட்​டணி 2026 தேர்​தலில் 200 தொகு​திகளுக்கு மேல் வெற்றிபெறும். இந்த வெற்​றியை சிதைக்க வேண்​டும் என்​ப​தற்​காக, விஜய்க்கு நிதி​யுத​வி, அனு​ம​தி, ஆதர​வு​களை அளித்து வரு​கின்​றனர். அதி​முக, பாஜக வாக்​கு​களைப் பிரிக்க விஜய் மூலம் திமுக சதி செய்​கிறது. திமுக​வின் ‘ஏ’ டீம்​-ஆக விஜய் உள்​ளார். இவ்​வாறு அவர் தெரி​வித்​தார்.