சிபிஎஸ்இ-க்கு மனித உரிமைகள் ஆணையம் நோட்டீஸ்

நீட் தேர்வின்போது மாணவர்கள் துன்புறுத்தப்பட்டதாக வெளியான செய்திகள் குறித்து அறிக்கை தாக்கல் செய்ய சிபிஎஸ்இ தலைவருக்கு தேசிய மனித உரிமைகள் ஆணையம் (என்எச்ஆர்சி) நோட்டீஸ் அனுப்பியுள்ளது.

இதுதொடர்பாக ஆணையம் நேற்று வெளியிட்ட செய்திக்குறிப்பில் கூறியிருப்பதாவது:

நீட் தேர்வெழுதச் சென்ற மாணவர்களை சோதனை என்ற பெயரில் துன்புறுத்தியதாக ஊடகங்களில் செய்திகள் வெளியாகி உள்ளன. அந்த செய்திகளின் அடிப்படையில் தாமாக முன்வந்து வழக்கு பதிவு செய்கிறோம்.

இதுதொடர்பாக சிபிஎஸ்இ தலைவர், தமிழக தலைமைச் செயலாளர் ஆகியோர் 6 வாரங்களில் விரிவான அறிக்கையை தாக்கல் செய்ய வேண்டும்.

தேர்வு எழுத வருபவர்களை சோதனை செய்வது அவசியமானதுதான். ஆனால், முன்னெச்சரிக்கை என்ற பெயரில் அவர்களை துன்புறுத்தக் கூடாது.

இவ்வாறு அந்தச் செய்திக் குறிப்பில் தெரிவிக்கப்பட் டுள்ளது.