ஆட்சி மாற்றத்துக்கான அடித்தளத்தை தமிழகம் அமைக்கும்: கே.எம்.காதர் மொகிதீன்

திருச்சி: இந்திய யூனியன் முஸ்லிம் லீக் கட்சியின் தேசியத் தலைவர் கே.எம்.காதர் மொகிதீன் திருச்சி காஜாமியான் மேல்நிலைப் பள்ளி வாக்குச்சாவடியில் வாக்களித்தார்.

பின்னர் அவர் செய்தியாளர்களிடம் கூறியதாவது: நாடு முழுவதும் இண்டியா கூட்டணி வெற்றி பெறும். ஜனநாயகத்தைப் பாதுகாக்க, அரசியலமைப்புச் சட்டத்தை உறுதிப்படுத்த, மதச் சார்பின்மையைக் கடைப்பிடிக்கும் ஆட்சி அமையும். தமிழகம், புதுச்சேரி மாநிலங்களில் உள்ள 40 தொகுதிகளிலும் இண்டியா கூட்டணி வெற்றி பெற்று, தேசிய அளவில் ஆட்சி மாற்றத்துக்கான அடித்தளத்தை அமைக்கும். இவ்வாறு அவர் கூறினார்.