ஏப்.21 மற்றும் மே 1-ம் தேதி டாஸ்மாக் கடைகளை மூட அறிவுறுத்தல்

சென்னை: தமிழகத்தில் மக்களவைத் தேர்தல் வாக்குப்பதிவு வரும் 19-ம்தேதி நடைபெறுகிறது. இதையொட்டி, இன்று ஏப்.17 முதல் ஏப்.19-ம் தேதி வரையும், வாக்கு எண்ணிக்கை நடைபெறும் ஜூன் 4-ம் தேதி ஆகிய 3 நாட்கள் டாஸ்மாக் கடைகள் மற்றும் பார்கள்இயங்கக்கூடாது என்று இந்திய தேர்தல் ஆணையத்தின் உத்தரவுப்படி, டாஸ்மாக் நிர்வாகம் மற்றும் மாவட்ட நிர்வாகங்கள் அறிவுறுத்தியுள்ளன.

இந்நிலையில், வரும் 21-ம் தேதிமகாவீர் ஜெயந்தி மற்றும் மேதினத்தை முன்னிட்டு மே 1-ம் தேதியன்று டாஸ்மாக் கடைகள் மற்றும்பார்களை மூட உத்தரவிடப்பட் டுள்ளது.

எனவே, வரும் 21-ம் தேதி மற்றும் மே 1-ம் தேதி அனைத்து டாஸ்மாக் மதுபான சில்லறை விற்பனைக் கடைகள் மற்றும் அதைச் சார்ந்த பார்கள், எப்எல்-2 உரிமம் கொண்ட கிளப்புகளைச் சார்ந்த பார்கள், எப்எல் 3 உரிமம் கொண்ட ஹோட்டல்களைச் சார்ந்த பார்கள் மற்றும் எப்எல்3 (ஏ), எப்எல்3 (ஏஏ) மற்றும் எப்எல்11உரிமம் கொண்ட பார்கள் அனைத்தும் கண்டிப்பாக மூடப்பட்டு, மதுபானம் விற்பனை செய்யக்கூடாது என அறிவிக்கப்பட்டுள்ளது.