விருதுநகர் அருகே ரங்கோலி திருவிழா: வாக்காளர் விழிப்புணர்வுக்காக 10 ஆயிரம் கோலம்

விருதுநகர்: மக்களவைத் தேர்தலை முன்னிட்டு,வாக்காளர்களுக்கு விழிப்புணர்வை ஏற்படுத்தும் வகையில் விருதுநகர் மாவட்டத்தில் 750 இடங்களில் ஒரு லட்சம் பெண்கள் பங்கேற்று, ஒரே நேரத்தில் 1,000 கோலமிட்டனர்.

ஊரக மற்றும் நகர்ப்புறங்களில் 750 இடங்களில் `100 சதவீதம் தவறாமல் வாக்களிப்போம்' என்பதையும், `என் வாக்கு விற்பனைக்கு அல்ல' என்பதையும் வலியுறுத்தி, ஒரு லட்சம் பெண்கள் பங்கேற்று, ஒரே நேரத்தில் 10 ஆயிரம் கோலமிடும் மாபெரும் ரங்கோலி திருவிழா நேற்று நடைபெற்றது.

விருதுநகர் அருகே உள்ள செங்குன்றாபுரம், ஆமத்தூர் ஆகிய இடங்களில் வாக்குப்பதிவின் அவசியத்தை வலியுறுத்தி, `எனது வாக்கு எனது எதிர்காலம்', `விரல் நுனியில் தேசத்தின் தீர்ப்பை எழுதுவோம்', `எனது வாக்கு விற்பனைக்கு அல்ல', `ஒரு வாக்கின்வலிமை தேசத்தின் உரிமை', `போடுவோம் ஓட்டு - வாங்கமாட்டோம் நோட்டு' என பல்வேறு தேர்தல்விழிப்புணர்வு வாசகங்கள் அடங்கிய வண்ணமயமான கோலங்கள்போடப்பட்டு, பொதுமக்களுக்கு விழிப்புணர்வு ஏற்படுத்தப்பட்டது. மாவட்ட தேர்தல் அலுவலரும், மாவட்ட ஆட்சியருமான வீ.ப.ஜெயசீலன் இந்தரங்கோலித் திருவிழவை பார்வையிட்டார்.