ராமேசுவரம்: ராமேசுவரம் மீன்பிடித் துறைமுகத்திலிருந்து பிப். 9-ம் தேதிகடலுக்குச் சென்ற அன்றன் சசிக்குமார், அலெக்ஸ் ஆகியோருக்குச் சொந்தமான 2 விசைப்படகுகளை இலங்கை கடற்படையினர் சிறைப்பிடித்தனர். மேலும், படகுகளிலிருந்த 19 மீனவர்களைக் கைது செய்து, யாழ்ப்பாணம் சிறையில் அடைத்தனர்.
இதில் 18 மீனவர்களை கடந்த பிப். 22-ம் தேதி ஊர்க்காவல் துறை நீதிமன்றம் விடுதலை செய்தது. படகு ஓட்டுநர் ஜான்சனுக்கு 6 மாதங்கள் சிறைத் தண்டனை விதிக்கப்பட்டது. விடுதலை செய்யப்பட்ட 18 மீனவர்கள்நேற்று முன்தினம் கொழும்பு விமான நிலையத்திலிருந்து புறப்பட்டு சென்னை வந்தடைந்தனர். பின்னர் அவர்களை மீன்வளத் துறையினர் தனி வாகனத்தில் ராமேசுவரத்துக்கு நேற்று காலை அழைத்து வந்தனர்.