நடிகர் ரஜினிகாந்த் இன்று (டிசம்பர் 12) தனது 68-வது பிறந்தநாளைக் கொண்டாடுகிறார். ரஜினிகாந்தின் பிறந்தநாளை ஒட்டி அவரது ரசிகர்கள் சென்னை போயஸ் கார்டன் பகுதியில் குவிந்தனர்.
ரஜினி வாழ்க, தலைவா வாழ்க, வருங்கால முதல்வரே வாழ்க என்று பலவிதமான கோஷங்களை எழுப்பினர்.
ரஜினிகாந்த் ஊரில் இல்லை அவரது வீட்டினருகே அனுமதிக்க முடியாது என போலீஸ்காரர்கள் கூறியும் ரசிகர்கள் சமாதானமடையவில்லை. காவலர்களுடன் வாக்குவாதத்தில் ஈடுபட்டனர். இதனால் சிறிது நேரம் அப்பகுதியில் சலசலப்பு ஏற்பட்டது.
ரஜினிகாந்த் பிறந்தநாளை ஒட்டி போயஸ்கார்டன் பகுதியில் ஒட்டப்பட்டிருந்த போஸ்டர்கள் மற்றும் ரஜினி வீடு அமைந்துள்ள போயஸ் கார்டன் பகுதியில் குவிந்த ரசிகர்களின் கூட்டம் தொடர்பான புகைப்படத் தொகுப்பு.
