தமிழக காங்கிரஸ் நிர்வாகிகளுடன் கார்கே ஆலோசனை

சென்னை: அகில இந்திய காங்கிரஸ் தலைவர் மல்லிகார்ஜுன கார்கே டெல்லியில் தமிழக காங். நிர்வாகிகளுடன் நேற்றுஆலோசனை நடத்தினார்.

ராகுல், பிரியங்கா முன்னிலையில் நடந்த கூட்டத்தில் தமிழக காங். தலைவர் கே.எஸ்.அழகிரி, முன்னாள் தலைவர்கள், 8 எம்பிக்கள், 18 எம்எல்ஏக்கள், முன்னாள் மத்திய அமைச்சர்கள் பங்கேற்றனர். அப்போது பேசிய கார்கே, ‘‘தமிழகத்தில் திமுகவுடன் கடந்த 2019 முதலே கூட்டணி அமைத்து தேர்தலை சந்தித்துவருகிறோம். 2024 மக்களவைத் தேர்தலில் தமிழகம், புதுச்சேரியில் 40 தொகுதிகளிலும் நமது கூட்டணி வெற்றிபெற ஒற்றுமையாக உழைக்க வேண்டும்’’ என்றார்.