சென்னை மாநகராட்சி வரி விதிப்பு: மேல்முறையீட்டு குழுவுக்கு 9 பேர் தேர்வு

சென்னை: சென்னை மாநகராட்சி வரி விதிப்பு மேல்முறையீட்டு குழு உறுப்பினர்களாக 9 மாமன்ற உறுப்பினர்கள் போட்டியின்றி தேர்ந்தெடுக்கப்பட்டனர்.

சென்னை மாநகராட்சியின் வரிவிதிப்பு மேல்முறையீட்டுக் குழு உறுப்பினர்களுக்கான தேர்தல் ரிப்பன் மாளிகையில், மாநகராட்சி ஆணையரும், தேர்தல் நடத்தும் அலுவலருமான ஜெ.ராதாகிருஷ்ணன் முன்னிலையில் நேற்று நடைபெற்றது. தமிழ்நாடு நகர்ப்புற உள்ளாட்சி அமைப்பு விதிகள் 2023-ன்படிமாமன்ற உறுப்பினர்கள் சார்பில்9 உறுப்பினர்களை முன்மொழிந்தனர். அதை இதர மாமன்ற உறுப்பினர்கள் வழிமொழிந்தனர்.

அதன்படி, ஏ.சந்திரன் (வார்டு-27), க.தேவி கதிரேசன் (வார்டு-39), ராஜேஷ் ஜெயின் (வார்டு-57), நா.உஷா (வார்டு-83), ம.கமல் (வார்டு-86), ஜெ.புஷ்பலதா (வார்டு-103), எம்.தரன் (வார்டு-140), வ.செல்வக்குமார் (வார்டு-154), அ.முருகேசன் (வார்டு-200) ஆகிய9 மாமன்ற உறுப்பினர்கள் மட்டும்வேட்புமனுக்கள் தாக்கல் செய்தனர்.

தாக்கல் செய்யப்பட்ட வேட்பு மனுக்கள் பரிசீலிக்கப்பட்டு ஏற்றுக்கொள்ளப்பட்டன. இவர்களை எதிர்த்து யாரும் வேட்புமனு தாக்கல் செய்யாத நிலையில், இவர்கள் 9 பேரும் போட்டியின்றி தேர்ந்தெடுக்கப்பட்டனர்.

வெற்றி பெற்றதற்கான சான்றிதழ்களை மேயர் ஆர்.பிரியா, துணை மேயர் மு.மகேஷ்குமார் ஆகியோர் முன்னிலையில் தேர்தல்நடத்தும் அலுவலர் ஜெ.ராதாகிருஷ்ணன் வழங்கினார்.