இரு நல்ல உள்ளங்கள்! | அனுபவம் புதுமை

எங்கள் வீட்டில் மூன்று பெண் குழந்தைகள். நான்தான் மூத்தவள். பொறியியல் படிக்க வைக்க வசதி இல்லாததால், என் அப்பா பட்டயப் படிப்பு படிக்க வைத்தார். நான் கட்டமைப்பு பொறியியல் இளங்கலை பகுதி நேரப் படிப்புக்கு 2015இல் விண்ணப்பித்தேன். அப்போது எனக்கு வயது 20. என்னுடன் என் தோழியும் விண்ணப்பித்திருந்தாள். கலந்தாய்வு கோவையில் உள்ள ஒரு கல்லூரியில் நடைபெற்றது..‘மூன்று பெண் குழந்தைகளை வைத்திருக்கிறாய், மூத்த பெண்ணைச் சீக்கிரம் திருமணம் செய்து கொடு’ என்று உறவினர்கள் கொடுத்த அழுத்தத்தால் அப்பாவுக்கு வர விருப்பமில்லை. தோழிக்கு அப்பா கிடையாது. என் தோழியும் நானும் மட்டும் காரைக்குடியில் இருந்து கோவைக்குப் பயணம் செய்தோம். அதிகாலை 2 மணிக்கே போய்ச் சேர்ந்துவிட்டோம்..காலை 9 மணிக்குத்தான் கலந்தாய்வு. எங்கு செல்வது என்று தெரியவில்லை. பக்கத்தில் நிறைய பேருந்துகள் நின்று கொண்டிருந்தன. ஒரு பேருந்தில் ஓட்டுநரும் நடத்துநரும் தூங்கிக்கொண்டிருந்தனர். நாங்கள் இருவரும் அவர்களிடம் சென்று, ‘அண்ணா, காலை 9 மணிக்குதான் கலந்தாய்வு. 5 மணிவரை நாங்கள் இங்கு தூங்கிக்கொள்ளலாமா?’ என்று கேட்டோம்.‘நல்லா படுத்துக்கம்மா’ என்றார்கள். ஐந்து மணிவரை அந்தப் பேருந்திலேயே இருந்தோம். அதற்குப் பிறகு அங்குள்ள பொதுக் கழிவறையில் குளித்துவிட்டு, கலந்தாய்வுக்குச் சென்றோம். பத்திரமாக வீட்டிற்குத் திரும்பினோம். 2019இல் அழகப்பா தொழில்நுட்பக் கல்லூரியில் பட்டம் பெற்றோம். பெண்களுக்குப் பாதுகாப்பு இல்லாத இதே உலகத்தில் தான், எங்கள் இருவருக்கும் இரண்டு ஆண்கள் உதவி செய்தார்கள். அவர்களுக்கு என்றென்றும் நன்றி சொல்லிக் கொண்டிருக்கிறோம்.- இரா. முத்துலெட்சுமி, காரைக்குடி..ஒளிவீசும் அஞ்சல் துறை

இரு நல்ல உள்ளங்கள்! | அனுபவம் புதுமை

அதிகம் வாசித்தவை...