அமெரிக்கா, இஸ்ரேல் - ஈரான் மோதல் உள்ளிட்ட சர்வதேச புவிசார் அரசியல் சூழல்களால் உலக அளவில் கச்சா எண்ணெய் விநியோகம் பெருமளவில் பாதிக்கப்பட்டுள்ளது. இந்த அசாதாரண சூழ்நிலையில், “நாட்டின் குடிமக்கள் அனைவரும் எரிபொருளை மிகச் சிக்கனமாகப் பயன்படுத்த வேண்டும்” என்று பிரதமர் நரேந்திர மோடி சமீபத்தில் வலியுறுத்தியுள்ளார்.
மீண்டும் முழுமையான ‘வீட்டிலிருந்தே பணி செய்யும் முறை’ அமல்படுத்தப்பட்டால், இந்தியாவில் எந்தெந்தத் துறைகள் உடனடியாக அதற்கு மாற முடியும்? என்பது குறித்த ஒரு விரிவான அலசல் இதோ:
உடனடியாக மாறக்கூடிய துறைகள்
கரோனா காலத்து உள்கட்டமைப்பு வசதிகள் மற்றும் வலுவான டிஜிட்டல் தொழில்நுட்பம் காரணமாக சில துறைகள் ஒரே நாளில் 100% தொலைதூரப் பணிக்கு (Remote Work) மாறத் தயாராக உள்ளன.
தகவல் தொழில்நுட்பம் (IT) மற்றும் மென்பொருள் சேவைகள்: இந்தியாவின் ஐ.டி. துறை இப்போதும் வீட்டிலிருந்தே பணி செய்வதற்கு மிகவும் ஏற்ற துறையாகத் திகழ்கிறது. பெரும்பாலான நிறுவனங்கள் ஏற்கெனவே ‘ஹைப்ரிட்’ (Hybrid) முறையில் இயங்கி வருவதால், முழுமையான டிஜிட்டல் பணி முறைக்கு மாறுவதில் இவர்களுக்கு எந்தச் சிரமமும் இருக்காது.
