ப்ரீமியம்
பொருளாதாரம் 2022: சில முக்கியத் தருணங்கள்

உலகின் 5-வது பெரிய பொருளாதார நாடானது இந்தியா

2022-ல் பொருளாதார பலத்தில் பிரிட்டனை இந்தியா பின்னுக்குத் தள்ளியது. பொருளாதார வலிமை கொண்ட முதல் 5 நாடுகளின் பட்டியலில் அமெரிக்கா, சீனா, ஜப்பான், ஜெர்மனிக்கு அடுத்தபடியாக 5-வது இடத்தை இந்தியா பிடித்தது. முதலிடத்தில் உள்ள அமெரிக்காவின் மொத்த உள்நாட்டு உற்பத்தியின் மதிப்பு 22.3 லட்சம் கோடி டாலர் என மதிப்பிடப்பட்டுள்ளது. சீனா இந்தப் பட்டியலில் 19.9 லட்சம் கோடி டாலருடன் 2-வது இடத்தில் உள்ளது. 3.53 லட்சம் கோடி டாலருடன் இந்தியா 5-வது இடத்தைப் பிடித்துள்ளது.ஆசியாவைச் சேர்ந்த மூன்று நாடுகள் இந்தப் பட்டியலில் இடம்பெற்றிருப்பது ஆசிய பிராந்தியத்துக்கு சாதகமான அம்சமாகப் பார்க்கப்படுகிறது.