ப்ரீமியம்
தொழில் வல்லரசாகிறது சீனா

சீனா ‘உலகின் தொழிற்சாலை' என்றழைக்கப்படுகிறது. ஆனால் இப்போது அது ஒரு தொழில் வல்லரசாக மாறிவிட்டது. அது என்ன ‘தொழில் வல்லரசு'? அமெரிக்காதான் வல்லரசாக அறியப்படுகிறது. ஏனெனில், அமெரிக்கா தனது ராணுவத்துக்கு செலவிடும் தொகை, அதற்கு அடுத்த இடத்தில் இருக்கும் 10 நாடுகள் செலவிடும் கூட்டுத் தொகையைவிட அதிகம். ஆகவே, அமெரிக்கா ஒரு வல்லரசு, அல்லது ராணுவ வல்லரசு. இதுபோல உலக அளவில் தொழில் துறையில் தனக்கு அடுத்து உள்ள 8 நாடுகளைவிட சீனா அதிகமான பொருட்களை உற்பத்தி செய்கிறது.

சமீபத்திய புள்ளிவிவரப்படி, உலக உற்பத்தியில் சீனவின் பங்கு 35%. அடுத்த இடங்களில் அமெரிக்கா (12%), ஜப்பான் (6%), ஜெர்மெனி (4%) ஆகிய நாடுகள் இடம் பெறுகின்றன. அடுத்து 3% உற்பத்தியோடு இந்தியாவும், தென் கொரியாவும் வருகின்றன. அடுத்து, 2% உற்பத்தியுடன் பிரான்ஸ், இத்தாலி, தைவான் ஆகிய நாடுகள் பட்டியலில் இடம் பிடிக்கின்றன.