அந்தியில் வரும் வானவில் துண்டுகள்

பட்டாம்பூச்சி, பட்டாம்பூச்சி என்கிறோம். உண்மையில் Butterflyயை வண்ணத்துப்பூச்சி என்றே சொல்ல வேண்டும். பட்டுக்கூட்டை உருவாக்குபவை அந்திப்பூச்சி வகையே. பட்டுக்கூட்டை உருவாக்க உதவும் Domestic silk moth எனப்படும் அந்திப்பூச்சியைப் பட்டாம்பூச்சி என்று கூறலாம். வண்ணத்துப்பூச்சிகளும் அந்திப்பூச்சிகளும் உறவினர்கள்தான் என்றாலும், இரண்டும் ஒன்றல்ல.

இறக்கையுள்ள பூச்சி வகைகளில் Lepidoptera குடும்பக் குழுவின்கீழ் வண்ணத்துப்பூச்சிகளும் அந்திப்பூச்சிகளும் வருகின்றன. 1,60,000 லெபிடாப்டெரா சிற்றினங்கள் இதுவரை வகைப்படுத்தப்பட்டுள்ளன. உலகில் வாழும் உயிரினங்களில் 10 சதவீதம் லெபிடாப்டெராவே. பீட்டில்ஸ் எனப்படும் பொறிவண்டுகளே உலகில் மிக அதிக எண்ணிக்கையில் சிற்றினங்களைக் கொண்டுள்ளன.