Last Updated : 28 Jun, 2022 10:10 AM

Published : 28 Jun 2022 10:10 AM
Last Updated : 28 Jun 2022 10:10 AM

சேதி தெரியுமா?

ஜூன் 17: ‘அக்னிபாத்’ திட்டத்துக்கு வட இந்தியாவில் எதிர்ப்பு எழுந்ததையடுத்து, அந்தப் பணியில் சேர்வதற்கான வயது வரம்பை 23 ஆக மத்திய அரசு உயர்த்தியது.

ஜூன் 18: துருக்கி நாட்டை எல்லா மொழிகளிலும் ‘துருக்கியே’ என்று அழைக்க வேண்டும் என்ற அந்நாட்டின் கோரிக்கையை ஐக்கிய நாடுகள் அவை ஏற்றது.

ஜூன் 19: வாக்காளர் அடையாள அட்டையை ஆதாருடன் இணைப்பதற்கான விதிமுறைகள் அடங்கிய அரசாணையை மத்திய அரசு வெளியிட்டது.

ஜூன் 20: சென்னையை அடுத்த மாமல்லபுரத்தில் நடைபெற உள்ள 44ஆவது செஸ் ஒலிம்பியாட் போட்டிக்கான ஜோதி ஓட்டத்தை பிரதமர் நரேந்திர மோடி டெல்லியில் தொடங்கிவைத்தார். இந்த ஜோதி இந்தியாவின் 75 நகரங்கள் வழியாகப் பயணித்து மாமல்லபுரம் வந்தடைகிறது.

ஜூன் 21: குடியரசுத் தலைவர் தேர்தலில் பாஜக தலைமையிலான தேசிய ஜனநாயகக் கூட்டணியின் வேட்பாளராக ஒடிசா பழங்குயினச் சமூகத்தைச் சேர்ந்த திரெளபதி முர்மு அறிவிக்கப்பட்டார். எதிர்க் கட்சிகளின் பொதுவேட்பாளராக முன்னாள் மத்திய அமைச்சர் யஷ்வந்த் சின்ஹா அறிவிக்கப்பட்டார்.

ஜூன் 22: ஐக்கிய நாடுகள் அவைக்கான இந்தியத் தூதர் திருமூர்த்திக்குப் பதிலாகப் புதிய தூதராக வெளியுறவுத் துறை அதிகாரி ருசிரா காம்போஜ் நியமிக்கப்பட்டார்.

ஜூன் 23: அதிமுகவில் ஒற்றைத் தலைமையை முடிவு செய்யும்விதமாக ஜூலை 11 அன்று புதிய பொதுக்குழு கூட்டத்தைக் கூட்டுவது என்று சென்னையில் நடைபெற்ற அதிமுக பொதுக்குழு கூட்டத்தில் முடிவானது.

ஜூன் 24: கருக்கலைப்பு பெண்களின் தனிப்பட்ட சட்ட உரிமை என்பதை அமெரிக்காவின் உச்ச நீதிமன்றம் ரத்து செய்தது. இதன் மூலம் 50 ஆண்டுகளாக நடைமுறையில் இருந்த கருக்கலைப்புச் சட்ட உரிமை நீக்கப்பட்டது.

Sign up to receive our newsletter in your inbox every day!

 
x