Published : 21 May 2022 05:04 PM
Last Updated : 21 May 2022 05:04 PM

செயலி உலா: கணக்கை எளிதாக்கும் கூகுளின் சாக்ரடிக்

ஜி. சுரேஷ்

கணக்கு என்றால் தலைதெறிக்க ஓடுபவர்களையும் கவர்ந்திழுக்கும் எளிய செயலி இது. கணக்கில் கடினமானவையாகக் கருதப்படும் அல்ஜீப்ரா, முக்கோணவியல், நுண்கணிதம் போன்றவற்றை அந்த வகையில் இந்தச் செயலி எளிமையாக்கி உள்ளது. கணக்கு மட்டுமல்லாமல்; வேதியியல், இயற்பியல், உயிரியல் ஆகியவற்றில் இருக்கும் சூத்திரங்களுக்கும் எளிதில் விடையளித்து நம்மை வியப்பில் ஆழ்த்துகிறது. வெறும் விடையை மட்டும் அளிக்காமல், அதன் செயல்முறை விளக்கத்தையும் அளிப்பது இதன் சிறப்பம்சம். அதைப் பயன்படுத்தும் வழிமுறைகள்:

  • கூகுள் பிளேஸ்டோரிலிருந்து ‘சாக்ரடிக் பை கூகுள்’ செயலியைப் பதிவிறக்கம் செய்யுங்கள்.
  • பின்னர் அந்த செயலியின் உள்ளே சென்று கீழ் நடுவில் உள்ள கேமிரா பட்டனை கிளிக் செய்யுங்கள்.
  • அதன் பிறகு நீங்கள் விடைகாண நினைக்கும் கேள்விகளை ஒளிப்படம் எடுங்கள்.
  • கேள்வியை மட்டும் வெட்டியெடுத்து (crop) பின் Go என்கிற பட்டனை கிளிக் செய்யுங்கள்.
  • இப்பொழுது சில நொடிகளில் அதற்கான விடையை நீங்கள் விளக்கத்துடன் காண முடியும்.

கணித சூத்திரம் கண்டு விலகிச் செல்லும் மாணவர்களா நீங்கள், இந்தச் செயலியைப் பயன்படுத்திப் பாருங்கள். சூத்திரங்கள் உங்கள் விருப்ப பாடங்களாக மாறும்.

FOLLOW US

தவறவிடாதீர்!

Sign up to receive our newsletter in your inbox every day!

WRITE A COMMENT
 
x