Published : 15 Dec 2020 09:27 am

Updated : 15 Dec 2020 09:27 am

 

Published : 15 Dec 2020 09:27 AM
Last Updated : 15 Dec 2020 09:27 AM

சேதி தெரியுமா?

weekly-news

தொகுப்பு: மிது

டிச. 2: இந்திய கிரிக்கெட் வீரர் விராட் கோலி சர்வதேச ஒரு நாள் கிரிக்கெட் போட்டிகளில் 12 ஆயிரம் ரன்களை மிக விரைவாக (251 போட்டிகளில்) எட்டி சச்சின் டெண்டுல்கரின் முந்தைய சாதனையை முறியடித்தார்.


டிச. 3: கடந்த 30 ஆண்டுகளில் முதன்முறையாக இந்தியாவிடமிருந்து சீனா அரிசியை இறக்குமதி செய்யத் தொடங்கியுள்ளது. உலகில் அதிக அரிசி ஏற்றுமதி செய்யும் நாடு இந்தியா; அரிசியை அதிகம் இறக்குமதி செய்யும் நாடு சீனா.

டிச. 3: ஆய்வகத்தில் தயாரிக்கப்பட்ட இறைச்சியை விற்பனைக்கு அனுமதிக்கும் முதல் நாடு என்ற பெருமையை சிங்கப்பூர் பெற்றது. கோழிகளைக் கொல்லாமல் விலங்கு செல்களிலிருந்து இந்த இறைச்சி உருவாக்கப்பட்டுள்ளது.

டிச. 4: உத்தராகாண்ட் மாநிலம் கலாதுங்கி - நைனிடால் நெடுஞ்சாலையின் குறுக்கே முதன்முறையாக சுற்றுச்சூழலுக்கு இணக்கமான பாலம் அமைக்கப்பட்டுள்ளது. இந்தப் பாலமானது மூங்கில், புல், கயிறு போன்ற சுற்றுச்சூழலுக்கு உகந்த பொருள்களால் கட்டமைக்கப்பட்டுள்ளது.

டிச. 4: சாதி அடிப்படையில் பெயர்களைக் கொண்ட அனைத்துக் குடியிருப்புகளையும் மறு பெயரிடக் கோரும் திட்டத்துக்கு மகாராஷ்டிர அமைச்சரவை ஒப்புதல் அளித்தது. இதன்படி சாதி பெயரில் உள்ள தெருக்களின் பெயர் மாற்றப்படும்.

டிச. 4: சென்னை உயர் நீதிமன்றத்தில் முதன்முறையாக கணவன் - மனைவியான முரளிசங்கர், தமிழ்ச்செல்வி ஆகியோர் நீதிபதிகளாகப் பொறுப்பேற்றனர். இதற்கு முன்பு பஞ்சாப்-ஹரியானா உயர் நீதிமன்ற நீதிபதிகளாக கணவன் மனைவியான விவேக் பூரி-அர்ச்சனா பூரி ஆகியோர் பொறுப்பேற்றுள்ளனர்.

டிச. 5: நாள்தோறும் 156 சாலை விபத்துகளுடன் தேசியத் தரவரிசையில் தமிழகம் தொடர்ந்து மூன்றாவது ஆண்டாக முதலிடத்தில் உள்ளது. தேசியக் குற்ற ஆவணக் காப்பக தரவுகளிலிருந்து இந்தத் தகவல் தெரியவந்துள்ளது.

டிச. 10: புதிய நாடாளுமன்றக் கட்டிடம் கட்டுவதற்கு அடிக்கல் நாட்டப்பட்டது. புதிய நாடாளுமன்றக் கட்டிடத்தில் 900 முதல் 1,200 எம்.பி.க்கள் வரை உட்காரலாம். இந்தத் திட்டத்தின் மதிப்பு ரூ.971 கோடி. 75-வது சுதந்திர தினம் கொண்டாடுவதற்குள் கட்டி முடிக்கத் திட்டமிடப்பட்டுள்ளது.


சேதி தெரியுமாWeekly Newsஇந்திய கிரிக்கெட் வீரர்விராட் கோலிசீனா அரிசிஇறைச்சிஉத்தராகாண்ட் மாநிலம்சாதி அடிப்படைசென்னை உயர் நீதிமன்றம்புதிய நாடாளுமன்றக் கட்டிடம்

Sign up to receive our newsletter in your inbox every day!

You May Like

More From This Category

weekly-news

சேதி தெரியுமா?

இணைப்பிதழ்கள்

More From this Author

x