பெண்ணெழுத்து 2026

முற்போக்கு எழுத்து: 2025ஆம் ஆண்டுக்கான சர்வதேச புக்கர் பரிசு பெற்ற கன்னட முற்போக்கு எழுத்தாளர் பானு முஷ்தாக்கின் சிறுகதைத் தொகுப்பு இந்நூல். இதில் உள்ள கதைகள் அனைத்தும் பெண்ணை மையமாகக் கொண்டவை. மதமும் பாலினப் பாகுபாடும் பெண்கள் மீது செலுத்தும் ஆதிக்கத்தை நுட்பமாகப் பதிவுசெய்யும் சிறுகதைகள் இவை.ஒருமுறை பெண்ணாகி வா, கடவுளே!பானு முஷ்தாக், தமிழில்: ப.சகதேவன்காலச்சுவடு, விலை: ரூ.325.வாளைவிடக் கூர்மையானது: பெண்கள் எழுதுகோலைப் பிடிப்பதற்கே பல காலம் போராட வேண்டியிருந்தது. பழக்கப்பட்ட பாதை எதுவும் அவர்கள் முன் இல்லை. கரடுமுரடானச் சமூகக் கசடுகளை அகற்றித்தான் அவர்கள் எழுத்தின்வழி பாதை அமைத்தனர். அப்படி எழுதவந்த முன்னோடிப் பெண்களைப் பற்றிய தொகுப்பு இது. சிலர் தனித்தும் சிலர் சுயமரியாதை இயக்கம், தனித்தமிழ் இயக்கம் போன்ற அமைப்புகளில் இணைந்தும் செயல்பட்டனர்.பெண்ணெழுத்து (1947க்கு முன், தொகுதி -1)தேர்வும் தொகுப்பும்: தி.பரமேஸ்வரி, க.அஸ்வினிகுமாரிபரிசல் வெளியீடு, விலை: ரூ.350.புனைவின் கொண்டாட்டம்: கவிதைகள், எதிர்கவிதைகள், ஆய்வுக் கட்டுரைகள் எனப் பயணித்துவரும் பெருந்தேவியின் சிறுகதைத் தொகுப்பு இது. சரளமான நடையும் கொண்டாட்டமான மொழியும் நிகழ்வுகளின் எதார்த்தமும் இந்தக் கதைகளின் சிறப்பம்சம். இதற்கும் அதற்கும் இடைப்பட்ட பொழுதின் மயக்கங்கள்பெருந்தேவி, எழுத்து பிரசுரம், விலை: ரூ.180காலத்தின் குரல்: போலந்து நாட்டின் விஸ்லாவா சிம்போர்ஸ்க்கா, பாகிஸ்தானின் கிஸ்வர் நஹீத், லெபனான் நாட்டின் ஜுமானா ஹத்தாத், இந்தியாவில் பிறந்து ஜெர்மனியில் வாழும் சுஜாதா பட், வங்கதேசத்தைச் சேர்ந்த தஸ்லிமா நஸ்ரின், நோபல் பரிசு பெற்ற ஆப்ரிக்க-அமெரிக்கரான டோனி மோரிசன், சிலி நாட்டின் எவ்ஜனியா மரியோ பிரேவா என ஏழு உலகப் பெண்கவிகளின் கவிதைகள் இந்நூலில் தொகுக்கப்பட்டுள்ளன.ஏழு உலகப் பெண் கவிகள்தேர்வும் தொகுப்பும்: யமுனா ராஜேந்திரன்தமிழில்: எஸ்.வி. உதயகுமார், ஆர்.பாலகிருஷ்ணன், யமுனா ராஜேந்திரன், உயிர் பதிப்பகம், விலை: ரூ.625.கண்ணுக்குத் தெரியாத நிராகரிப்பு: ஆண்களால் ஆண்களுக்காகக் கட்டமைக்கப் பட்டிருக்கிற உலகில் அனைத்து வகையிலும் பெண்கள் புறக்கணிக்கப்படுவது கண்ணுக்கே தெரியாத அளவில் மிகக் கச்சிதமாக அரங்கேற்றப்படுகிறது. அப்படிக் கண்ணுக்கே தெரியாத சூட்சுமத்தைத் தன் ஆய்வுகள், கதைகள் வழி நிறுவுகிறார் பிரிட்டிஷ் பெண்ணியவாதியான கரோலைன் க்ரையோடோ பெரஸ்.கட்புலனாகாத பெண்கள், கரோலைன் க்ரையோடோ பெரஸ், தமிழில்: ரேவதி முகில், எதிர் வெளியீடு, விலை: ரூ.599உணவு மரபு: மக்களின் உணவும் பழக்க வழக்கங்களும் சமூகத்தில் அவர்களது இடத்தை நிறுவும் நிலைக்கண்ணாடிகள். மகாராஷ்டிரத்தின் மஹார், மாங் இன மக்களின் சமையலறை மூலமாக அவர்களின் உணவு வரலாற்றை மராத்தியில் முதல் முறையாகப் பதிவு செய்தவர் சாஹு பாட்டோலே.மராத்வாடா தலித் சமையலறைசாஹு பாட்டோலே, தமிழில்: ச.முத்துக்குமாரிநீலம் வெளியீடு, விலை: ரூ.500வெளிச்சத்தை நோக்கி: காலந்தோறும் போகப் பொருளாகவும் நுகர்வுப் பண்டமாகவும் மட்டுமே பார்க்கப்படும் பெண்களின் அசலான உணர்வுகளைப் பதிவுசெய்யும் நாவல் இது. சாதி, வர்க்கம், மதம் ஆகியவற்றோடு அதிகாரமும் ஆணாதிக்கமும் கைகோக்கிறபோது பெண் எப்படியெல்லாம் இருட்டுக்குள் தள்ளப்படுகிறாள் என்பதைச் சுற்றிப் பின்னப்பட்டுள்ளது இந்நாவல்.மையிருளி, அமுதா செல்வி, அடையாளம் பதிப்பகம், விலை: ரூ.500.யாரும் அடிமையல்ல: அடிமை முறைக்கு எதிராகக் குரல்கொடுத்த அமெரிக்கப் போராளி ஹாரியட் டப்மனின் தீரமிக்க வாழ்க்கை வரலாற்று நூல் இது. அடிமை முறையில் இருந்து தப்பித்து மீண்ட ஹாரியட், அடிமை முறை ஒழிப்புப் போராளிகளோடு சேர்ந்து தன் குடும்பத்தினரையும் பிறரையும் அடிமைத்தளையில் இருந்து விடுவித்தவர்.கறுப்பு மோசஸ் (ஹாரியட் டப்மன்)கார்குழலி, கிழக்கு பதிப்பகம், விலை: ரூ.250அனுபவத்தின் சிறுதுளி | நம் வெளியீடு சுயநலமும் சுயமோகமும் மண்டிக்கிடக்கும் சமூகத்தில் சு.தமிழ்ச் செல்வியின் கதைமாந்தர்கள், சக மனிதர்கள் மீதான பரிவோடு வலம்வந்து நம் மனசாட்சியை உலுக்கிப்போடுகிறார்கள். நான், எனது என்கிற தன்னகங்காரமும் காரிருளும் நிறைந்த மனங்களில் பரிவென்னும் ஒளியை ஏற்றி மனிதநேயத்தை மலர வைக்கிறார்கள். இந்நூலில் இடம்பெற்றிருக்கும் மனிதர்கள் நம்மைச் சுற்றியும் இருக்கிறார்கள்.அகத்தில் அசையும் நதி, சு.தமிழ்ச்செல்விதமிழ் திசை வெளியீடு, விலை: ரூ.180எப்படி ஒரு சிறு மின்மினிப் பூச்சியின் வெளிச்சம் இருளைக் கிழிக்குமோ, அதுபோல் எழுத்தின் வலிமை காலத்தின் இருளை அசைத்துக்கொண்டே இருக்கும். சமகால நிகழ்வுகளைக் கரிசனத்தோடு அணுகும் வகையில் தமயந்தி எழுதியிருக்கும் கட்டுரைகள் அதைத்தான் செய்கின்றன. அரசாங்கத்திடமும் ஆண் மனது கொண்ட பெண்களிடமும் இந்நூலின் வழியாக பல கோரிக்கைகளை அவர் வைத்துள்ளார்.உரையாடும் மழைத்துளி, தமயந்திதமிழ் திசை வெளியீடு, விலை: ரூ.200.நம்மைச் சுற்றி நடக்கும் விஷயங்கள் | சேர்ந்தே சிந்திப்போம் 15