இயற்கை முறையில் தாவர வெண்ணெய்கள், எண்ணெய்கள், பூக்கள் மூலம் ‘ஆர்கானிக் ஸ்கின் கிரீம்’ தயாரித்து இணையதளம் மூலம் விற்பனை செய்து பெண் தொழில்முனைவோராகத் தடம்பதித்திருக்கிறார் மதுரையைச் சேர்ந்த கிருத்திகா.
சென்னையைச் சேர்ந்தவர் கிருத்திகா. இன்டஸ்ட்ரியல் இன்ஜினீயரிங், எம்பிஏ படித்துள்ளார். லண்டனில் ‘ஆர்கானிக் ஸ்கின் கேர் ஃபார்முலேஷன்’ டிப்ளமோ படித்துள்ளார். திருமணத்துக்குப் பிறகு கணவர் கார்த்திக் கணக்குத் தணிக்கையாளராக வேலை செய்துவந்த பஹ்ரைன் நாட்டில் 2009இல் குடியேறினார். அங்கே எட்டு ஆண்டுகள் ஐ.டி. துறையில் கிருத்திகா வேலைசெய்தார்.
