குழந்தைகளின் நோய் எதிர்ப்பு சக்தி அதிகரிக்க...

குழந்தைகளின் ஆரோக்கியம் குறித்த கவலை இன்றைய பெற்றோரிடம் கூடுதலாகவே உள்ளது. சளி, இருமல், காய்ச்சல், செரிமானமின்மை, வயிற்றுப் புழுக்கள், அலர்ஜி போன்ற நோய்கள் குழந்தைகளைச் சிரமப்படுத்துகின்றன. பள்ளிக்குச் செல்லும் வயதிலிருந்து, பருவநிலை மாறும்போதும் குழந்தைகள் எளிதாக நோய்களால் பாதிக்கப்படுகிறார்கள். இதற்குக் காரணம் அவர்களின் நோய் எதிர்ப்பு சக்தி குறைவதே.சத்து மிகுந்த உணவு:.* குழந்தைகளின் வளர்ச்சிக்கும் எதிர்ப்பு சக்திக்கும் உணவின் பங்கு மிக முக்கியமானது.* கீரை, பருப்பு வகைகள், காய்கறிகள், பழங்கள், பால், நெய் ஆகியவை அன்றாடம் உணவில் இடம்பெற வேண்டும்.* முருங்கைக்கீரை, பசலைக்கீரை, வெந்தயக்கீரை போன்றவை உடல் ஆற்றலை வளர்க்கும்.* பனீர், தயிர் போன்ற பால் சார்ந்த உணவு வகைகள் செரிமானத்தையும் உடல் ஆற்றலையும் அதிகரிக்கும்.* கார்பனேற்ற பானங்கள், துரித உணவு, பேக்கரி உணவு வகைகள், அதிக சர்க்கரை உள்ள உணவு வகைகளைத் தவிர்க்க வேண்டும். இவை உடலின் எதிர்ப்புத்தன்மையைத் தளர்த்துகின்றன.* பருவநிலைக்கு ஏற்பச் சூடான, எளிதில் செரிமான மாகும் உணவைக் கொடுத்தால் நோய்கள் குறையும்.மூலிகைகளின் பலம்.* துளசி – சளி, இருமல், காய்ச்சல் ஆகியவற்றைத் தடுக்கும்.* அதிமதுரம் – தொண்டை வலியைக் குறைக்கும், குரலைத் தெளிவாக்கும்.* நிலவேம்பு – உடலைச் சுத்தப்படுத்திக் காய்ச்சலைக் கட்டுப்படுத்தும்.* ஆடாதோடை இலை - திரிகடுகு (சுக்கு, மிளகு, திப்பிலி) – சளி, இருமல், மூச்சுத் திணறலைக் குறைக்கும்.* இவை அனைத்தும் சிறு அளவில் தேனுடன் அல்லது கஷாயம் வடிவில் கொடுக்கப்பட்டால் குழந்தைகளின் நோய் எதிர்ப்பு சக்தி மேம்படும்.* உடல் சார்ந்த விளையாட்டு, ஓட்டம், பந்தாட்டம் போன்றவை உடலை வலுவாக்கும். யோகாசனம், சுவாசப் பயிற்சி போன்றவை மன அமைதி தருவதோடு நோய் எதிர்ப்பு சக்தியையும் மேம்படுத்தும்.* குழந்தைகள் தினமும் குறைந்தது 8–10 மணி நேரம் தூங்க வேண்டும். தூக்கக் குறைபாடு இருந்தால் உடல் சக்தி குறைந்து, நோய் எதிர்ப்பு சக்தியும் பாதிக்கப்படும்.பெற்றோருக்கான குறிப்புகள்.* வாரத்திற்கு 2–3 முறை துளசி அல்லது இஞ்சி கஷாயம் சிறிதளவு கொடுக்க வேண்டும்.* குழந்தையின் உணவில் தினமும் ஒரு வகை கீரையைச் சேருங்கள். பால் குடிக்கும் பழக்கத்தை ஊக்குவியுங்கள்.* திறன்பேசி, தொலைக்காட்சி நேரத்தைக் கட்டுப்படுத்தி, வெளியில் விளையாட வழிவகை செய்யுங்கள்.* இரவு நேரத்தில் 8–10 மணி நேரம் தூங்கும் பழக்கத்தை ஏற்படுத்துங்கள்.- கட்டுரையாளர், சித்த மருத்துவர்.