குழந்தைப் பாடல்: மான்

துள்ளி ஓடும் புள்ளி மானின்

அழகைக் கண்டு ரசிக்கலாம் - அதை

தள்ளி நின்று பார்த்து தினமும்

மகிழ்ச்சி பொங்க வசிக்கலாம்

மானின் இனம் ஒன்று கூடி

வனத்தில் வசித்து வருகுதே - தன்

மருளும் விழி பார்வை தன்னில்

ஆற்றின் நீரைப் பருகுதே

நீண்ட கால்கள் குட்டை வாலு

மானின் அழகு கூடுது - தினம்

நெடிய தூரம் அலைந்து திரிந்து

தனது உணவைத் தேடுது

கிளைகள் போல தலையில் கொம்பு

காண மனம் தூண்டுமே - சிறு

குறையும் இன்றி மான் இனத்தை

நாமும் காக்க வேண்டுமே!