குழந்தைப் பாடல் - சுண்டெலியின் ஆட்டம்

அடுப்படிக்குள் சுண்டெலி

ஆட்டம் போட்ட சுண்டெலி

அங்கும் இங்கும் ஓடி ஓடி

சட்டிக்குள்ள விழுந்தது

விழுந் தெழுந்த சுண்டெலி

விழிச்சுப் பார்த்த சுண்டெலி

கொழுக்கட்டை சட்டிக்குள்ள

குதித்துப் பார்த்தது சுண்டெலி

கொழுக்கட்டையைத் தூக்கிகிட்டு

கொண்டாட்டம் போட்டுக்கிட்டு

கொஞ்சுண்டு வயிறு நிறைய

கொறிச்சு கொறிச்சு தின்றது

வயிறு நெறஞ்ச சுண்டெலி

வழிய தேடிப் பார்த்தது

வெளியேற தெரியாம

விழி பிதுங்கி நின்றது.

சின்னஞ்சிறு சுண்டெலி

சின்ன மூலைச் சுண்டெலி

வழி தேடி யோசித்து

வாய் விட்டுச் சிரித்தது.

வழி கண்ட சுண்டெலி

படிகட்ட யோசித்து

கொழுக்கடையை எடுத்தெடுத்து

படியைக் கட்டி முடித்தது

படிமேலே ஏறிவந்து

எட்டிப் பார்த்தது சுண்டெலி

எட்டிப் பார்த்த சுண்டெலி

எகிறி குதித்துப் போனது.

- மொ. பாண்டியராஜன், மதுரை.3