Published : 26 Nov 2014 12:56 pm

Updated : 26 Nov 2014 12:56 pm

 

Published : 26 Nov 2014 12:56 PM
Last Updated : 26 Nov 2014 12:56 PM

கல்லாக மாறிய ஹாரி பாட்டர் ஃபிரெண்ட்ஸ்

ஹாரி பாட்டரோட சாகசங்கள படிக்கிறதுன்னா உங்களுக்கு ரொம்பப் பிடிக்குமில்லையா? அவரோட புத்தக வரிசையில இரண்டாவது தமிழ்ப் புத்தகத்தைப் படிச்சீட்டீங்களா? பாதாள அறை ரகசியங்கள் பத்தி இந்தப் புத்தகத்துல கதை வருது. அது என்ன கதைன்னா தெரிஞ்சுக்க ஆசையா இருக்கா?

ஹாக்வாட்ஸ் என்ற ஊர்ல மந்திர தந்திரங்களைச் சொல்லித் தர மாயாஜால ஸ்கூல் இருக்கு. இங்க முதல் வருஷ படிப்பை ஹாரி பாட்டாரு முடிக்கிறாரு. முதல் வருஷ படிப்பை முடிச்சிட்டு ஸ்கூல்ல இருக்குற எல்லாப் பசங்களும் லீவுக்காக அவுங்கவுங்க வீட்டுக்குப் போறாங்க.

ஹாரி, தன்னோட பெரியம்மா வீட்டுக்குப் போறாரு. லீவு முடியற நேரத்துல ‘டாபி’ன்னு ஒரு விநோத பிராணி ஹாரியைப் பாக்குது. ஸ்கூலுக்குப் போகாதேன்னு ஹாரிகிட்ட அது சொல்லுது. அப்படிப் போனா நிறைய ஆபத்து இருக்குன்னும் அது எச்சரிக்குது. ஆனா, ஹாரி அதைக் காதுலேயே போட்டுக்கல. அதையும் மீறி, திரும்பவும் ஸ்கூலுக்குப் போறான்.

திடீர்ன்னு அங்க இருக்குற சில ஸ்கூல பசங்க கல்லா மாறிடுறாங்க. ஹாரியோட பெஸ்ட் ஃப்ரெண்டு ஹெர்மயனியும் ஒருநாள் திடீர்ன்னு கல்லா மாறி போறா. ஸ்கூல்ல இருக்குற எல்லாப் பசங்களும் இதைப் பாத்து நடுங்குறாங்க. அந்த ஸ்கூல்ல ஒரு பாதாள ரூம் இருக்குன்னும், அங்கிருந்து ஒரு ராட்சத விலங்கு வருதுன்னும் ஒவ்வொருத்தரும் ஒவ்வொரு விதமா சொல்றாங்க. இதுதான் எல்லாத்துக்கும் காரணம்னும் பேசிக்கிறாங்க.

உடனே இதைக் கண்டுபிடிக்க ஹாரி பாட்டரும், அவனோட ஃப்ரெண்ட்ஸூம் முயற்சி பண்றாங்க. அப்போ ஒவ்வொரு ஆபத்தா அவுங்களுக்கு வருது. அந்தப் பாதாள அறையையும், ராட்சத விலங்கையும் ஹாரி பாட்டரு கண்டுபிடிச்சானா, கல்லான ஸ்கூல் பசங்க திரும்பவும் உருவம் மாறினாங்களான்னு தெரிஞ்சுக்க ஆசையா? அப்போ, ‘ஹாரி பாட்டரும் பாதாள அறை ரகசியங்களும்’ புத்தகத்தைப் படிங்க. இங்கிலீஷ் மொழிக்கு இணையா சுவாரசியமாவும், விறுவிறுப்பாவும் தமிழ்ல இந்தப் புத்தகத்தை கொடுத்திருக்காரு பி.எஸ்.வி. குமாரசாமி.

நூல்: ஹாரிபாட்டரும் பாதாள அறை ரகசியங்களும்
ஆசிரியர்: ஜே.கே.ரோலிங்
தமிழில்: பி.எஸ்.வி. குமாரசாமி
விலை: ரூ. 350
முகவரி: மஞ்சுள் பப்ளிஷங் ஹவுஸ், 42, மாளவியா நகர்,
போபால் 462 003
தொடர்புக்கு: sales@manjulindia.com

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

சின்னஞ்சிறு உலகம்ஹாரி பாட்டர் தமிழ்தமிழில் ஹாரி பாட்டர்இரண்டாம் பாகம்நூல் அறிமுகம்சேம்பர் ஆஃப் சீக்ரெட்ஸ்

Sign up to receive our newsletter in your inbox every day!

You May Like

More From This Category

More From this Author

there-is-currently-no-vaccine-to-prevent-corona

இனிமே இப்படித்தான்!

இணைப்பிதழ்கள்