‘96’ படத்தில் பள்ளிப் பருவத் தோற்றத்தில் அறிமுகமாகி வரவேற்பைப் பெற்று, ‘ராணி - தி ரியல் ஸ்டோரி’ என்கிற மலையாளப் புலனாய்வு த்ரில்லர் படத்தில் முக்கியக் கதாபாத்திரத்தில் நடித்து, புகழ்பெற்றவர் நியதி.
அண்மையில் வெளியான ‘LBW: Love Beyond Wicket’ இணையத்தொடரிலும் நடித்திருக்கும் அவருடன் ஒரு சுவாரசியமான உரையாடல்.
சூரியோதயம் பார்க்கும் பழக்கம் உண்டா?
எல்லாரும் தூங்கும்போது அதிகாலையில் எழுந்து உலகத்தைப் பார்ப்பது பிடிக்கும். நான் பக்கா ‘மார்னிங் பர்சன்’ங்க!
‘ஒர்க் அவுட்’டா, ‘டயட்’டா?
‘ஒர்க் அவுட்’ செய்துவிட்டு ‘டயட்’ எடுக்காமல் இருந்தாலும், ‘டயட்’ எடுத்துவிட்டு ‘ஒர்க் அவுட்’ செய்யாமல் விட்டாலும் எந்தப் பலனும் கிடைக்காது. இரண்டுமே முக்கியம் பிகிலு! தோற்றத்துக்காக அல்ல, ஆரோக்கியத்துக்காக உடற்பயிற்சி செய்யணும்.
தனித்துவமான பழக்கம்?
வேலையிலும் உடற்பயிற்சியிலும் ‘கன்சிஸ் டென்சி’யைக் கடைப்பிடிப்பது.
மறக்க முடியாத நாள்?
அண்மையில் எனது கனவுப் படத்துக்கான ‘ஆடிஷன்’ல வென்ற நாள்.