ப்ரீமியம்
தமிழக இளைஞரின் கனவு நனவாகுமா?

ஜெர்மனியில் தோன்றிய ஃபிட்ஸ் பால் (கைப்பந்து என்றே அழைக்கிறார்கள்) ஐரோப்பிய நாடுகளில் மிகப் பிரபலம். இந்தியாவில் கடந்த ஒரு தசாப்தமாக விளையாடப்பட்டு வரும் இந்த விளையாட்டில் தமிழ்நாட்டைச் சேர்ந்த இளைஞர்கள் சிலர் சர்வதேசப் போட்டிகளில் விளையாடும் அளவுக்குத் திறமையை வளர்த்துக்கொண்டிருக்கிறார்கள். அவர்களில் ஒருவர், திண்டுக்கல் மாவட்டம் அய்யலூரைச் சேர்ந்த பிரவீன் சந்திரசேகர்.

பதினெட்டு வயதில் அடியெடுத்து வைக்க உள்ள பிரவீன் தற்போது திண்டுக்கல் வித்யா பாரதி பள்ளியில் பன்னிரண்டாம் வகுப்பு படித்துவருகிறார். காணொளிகளில் பார்ப்பதற்கு ‘வாலி பால்’ போலவே இருக்கும் ஃபிட்ஸ் பால் விளையாட்டுக்குள் எளிய குடும்பத்தைச் சேர்ந்த பிரவீன் நுழைந்ததே ஒரு விபத்துதான்.