Published : 22 Dec 2020 08:01 am

Updated : 22 Dec 2020 08:01 am

 

Published : 22 Dec 2020 08:01 AM
Last Updated : 22 Dec 2020 08:01 AM

சேதி தெரியுமா?

last-week-news

தொகுப்பு: மிது 

டிச.8: சாங் ஆ-5 என்ற தானியங்கி விண்கலத்தின் மூலம் நிலவில் சீனா தன் நாட்டுக் கொடியைப் பறக்கவிட்டுள்ளது. அமெரிக்காவுக்குப் பிறகு நிலவில் கொடியைப் பறக்கவிடும் நாடு சீனா.

டிச.9: இமயமலை சிகரத்தின் புதிய உயரம் 8848.86 மீட்டர் என நேபாளமும் சீனாவும் கூட்டாக அறிவித்துள்ளன. இது முந்தைய அளவைவிட 0.86 மீட்டர் கூடுதல்.


டிச.10: மத்தியப் பிரதேசத்தில் உள்ள கோட்டை நகரங்களான அவுர்ச்சா, குவாலியர் ஆகியவை யுனேஸ்கோ மரபு நகரங்கள் பட்டியலில் சேர்க்கப்பட்டுள்ளன. இதில் அவுர்ச்சா 16-ம் நூற்றாண்டில் பந்தேலா பேரரசின் தலைநகரமாகும். குவாலியர் நகரம் 9-ம் நூற்றாண்டில் உருவாக்கப்பட்டது.

டிச.11: தமிழ்வழியில் படித்தவர்களுக்கு வேலைவாய்ப்பில் 20 சதவீதம் இட ஒதுக்கீடு அளிக்கும் மசோதாவுக்கு ஆளுநர் பன்வாரிலால் புரோஹித் ஒப்புதல் அளித்தார்.

டிச.12: சிந்து சமவெளி அகழ்வாராய்ச்சியில் விலங்கு உடல் பொருள்கள் கண்டறியப்பட்டுள்ளதன்மூலம் அந்த நாகரிக மக்களிடம் இறைச்சி உணவுப் பழக்கம் இருந்திருக்கும் என்று ஆராய்ச்சியாளர்கள் தெரிவித்துள்ளனர்.

டிச.14: தமிழக அரசு ‘அம்மா சிறு மருத்துவமனை’ என்ற திட்டத்தை தொடங்கியது. இதன்படி 2,000 சிறு மருத்துவமனைகள் செயல்படும்.

டிச.16: திருவண்ணாமலை மாவட்டம் கீழ்ராவந்தவாடி கிராமத்தில் உள்ள அம்மாகுளம், அரியலூரில் அழகர் மலை கிராமத்தில் உள்ள யானை சிலை ஆகியவை பாதுகாக்கப்பட்ட நினைவுசின்னங்களாக அறிவிக்கப்பட்டுள்ளன. இவை 16-17-ம் நூற்றாண்டைச் சேர்ந்தவை.

டிச.17: 1,410 கிலோ எடை கொண்ட சி.எம்.எஸ்.-01 (CMS-01) என்கிற இந்தியாவின் 42-வது தொலைத்தொடர்பு செயற்கைக்கோளை இஸ்ரோ வெற்றிகரமாக விண்ணில் செலுத்தியது. நீட்டிக்கப்பட்ட-சி பேண்ட் சேவைகளை இந்தச் செயற்கைக்கோள் வழங்கும்.

டிச.19: ஆஸ்திரேலியாவுக்கு எதிரான முதல் டெஸ்ட் போட்டியின் இரண்டாவது இன்னிங்ஸில் இந்திய அணி 36 ரன்களுக்கு ஆட்டமிழந்ததே, டெஸ்ட் போட்டிகளில் இந்தியாவின் மிகவும் குறைந்தபட்ச ரன். முன்னதாக 1974-ல் இங்கிலாந்துக்கு எதிராக 42 ரன் எடுத்ததே குறைந்தபட்ச ரன்னாக இருந்தது.


Last week newsசேதி தெரியுமா?

Sign up to receive our newsletter in your inbox every day!

You May Like

More From This Category

More From this Author

x