சமூகம் கொடுத்ததை, திருப்பிக் கொடுக்க வேண்டும்! | காபி வித் கோமல் சர்மா

சர்வதேச ஸ்குவாஷ் வீராங்கனையாக உருவெடுத்து, பின்னர் கோலிவுட்டில் கால்பதித்தவர் கோமல் சர்மா. விளையாட்டு வீராங்கனை, நடிகை, மாடலிங் என வலம்வரும் கோமல், கடந்த ஆண்டு வெளியான விஜய்யின் ‘GOAT’, மோகன்லாலின் ‘பர்ரோஸ்’ ஆகிய படங்களில் நடித்தவர். அவருடன் ஓர் உரையாடல். காலையில் சூரியோதயம் பார்க்கும் பழக்கம் உண்டா? .உண்டு. தியானம், யோகா செய்வதற்காக விடியற்காலையில் எழுந்துவிடுவேன். சூரியோதயத்தையும் பார்த்துவிடுவேன்.பிடித்தது ஒர்க் அவுட்டா? டயட்டா?.ஒர்க் அவுட்டும் சமச்சீரான டயட்டும்தான் எனக்குப் பிடிக்கும். என்னைப் பொறுத்தவரை 80 சதவீதம் டயட், 20 சதவீதம் உடற்பயிற்சி.தனித்துவமான பழக்கம் என்ன?.ஞாயிற்றுக்கிழமை எந்த ஊரில் இருந்தாலும் அந்த ஊரில் இருக்கும் வரலாற்றுச் சிறப்புமிக்க கோயில், சர்ச்சுக்குப் போவது என்னுடைய பழக்கம். அதே மாதிரி அதிகாலை 3 மணிக்குப் படுத்தால்கூட 4 மணிக்கு தியானம் செய்ய எழுந்துவிடுவேன்.மறக்க முடியாத தருணம்? .2016இல் மலையாள சூப்பர் ஸ்டார் மோகன்லாலைச் சென்னையில் எதிர்பாராமல் சந்தித்துப் பேசியது. கனவு நனவான மாதிரி இருந்தது.இந்த வேலை இல்லையெனில்?.ஸ்குவாஷ் விளையாட்டைத் தொடர்ந்திருப்பேன். அதன் மூலமாக அரசு வழங்கும் தேச நலன் சார்ந்த பணியில் இருந்திருப்பேன்.ஸ்குவாஷ் விளையாட்டை விட்டதில் வருத்தம் உண்டா?.கண்டிப்பாக. இப்போது எனக்குக் கிடைத்திருக்கும் அனைத்தும் ஸ்குவாஷ் மூலம் வந்ததுதான். என் வாழ்க்கையில் அந்த விளையாட்டு எப்போதும் இருக்கும். நான் எப்போதுமே ஒரு விளையாட்டு வீராங்கனைதான். புத்தக வாசிப்பா, திரை அனுபவமா?.இரண்டையும் சமமாகவே அணுகுவேன். என்றாலும் புத்தகங்கள் வாசிப்பது ரொம்பப் பிடிக்கும். எந்த மொழியாக இருந்தாலும் படிப்பேன். ஏனென்றால் அதன் மூலம் கிடைக்கும் அறிவுதான் முக்கியம்..பொழுதுபோக்கு என்ன?நூல்கள் வாசிப்பதுதான். எந்த ஊருக்கு, நாட்டுக்குச் சென்றாலும் வரலாற்று அருங்காட்சியகங்களைப் பார்க்கப் பிடிக்கும்..எதிர்காலத் திட்டங்கள்?தொண்டு நிறுவனம் ஒன்றைத் தொடங்க வேண்டும் என்கிற எண்ணம் இருக்கிறது. கணவரை இழந்தவர்கள், மாற்றுத்திறனாளிகள் போன்றவர்களுக்கு உதவ வேண்டும். அதேபோல கல்வி, மருத்துவம் சார்ந்து உதவ வேண்டும். இந்தச் சமூகம் நமக்குக் கொடுத்ததைத் நாமும் திருப்பி கொடுக்க வேண்டும்..உங்களுக்குப் பிடித்த சமூக ஊடகம் எது, ஏன்?ஃபேஸ்புக், இன்ஸ்டகிராம். சினிமாவில் இயங்குவதால் ஒளிப்படங்கள், காணொளி களைச் சுலபமாக இவற்றில் பதிவிட முடிகிறது. .மறக்க முடியாத நபர்? இயக்குநர் ப்ரியதர்ஷன் சார். அவரிடமிருந்து நிறைய கற்றிருக்கிறேன். இன்னொருவர் டைரக்டர் கே.என்.இளங்கோவன். குருபோல கற்றுக் கொடுப்பார். எங்கள் குடும்ப உறுப்பினர் போன்றவர்..தூங்கவிடாத விஷயம்? மாஸ்டர்ஸ் டிகிரி படிக்க வேண்டும் என்கிற ஆசை இருந்தது. ஆனால், அது நிறைவேறவில்லை. .திரும்பத்திரும்ப போக விரும்பும் இடம்?சென்னை ஈசிஆரில் உள்ள இஸ்கான் கோயில். அதேபோல மதுரா பிருந்தாவனம். .மனதில் பதிந்த பாடல்? ‘நான் பேசுகிறேன்...’ பாடலை முணுமுணுப்பேன். பிடித்த தேதி? .என் அம்மாவின் பிறந்த நாளான அக்டோபர் 29.அடுத்த இலக்கு?.எனக்கு ஹாலிவுட்டில் நடிக்கும் வாய்ப்பு வந்துள்ளது. சர்வதேச அளவில் பிரபலப்படுத்திக் கொள்ள வாய்ப்புக் கிடைத்தால், அதை லக்கியாகக் கருதுவேன்.

சமூகம் கொடுத்ததை, திருப்பிக் கொடுக்க வேண்டும்! | காபி வித் கோமல் சர்மா

அதிகம் வாசித்தவை...