சமூக வலைதள யுகத்தில் இளைய தலைமுறையினர் பலரும் ‘யூடியூபர்’ அவதாரம் எடுக்கத் தவறுவதில்லை. ஆளுக்கு ஒரு யூடியூப் அலைவரிசையைத் தொடங்கி, நிர்வகித்து வருகிறார்கள். இவர்கள் மத்தியில் தனது புதுமையான படைப்புகளால் பிரபலமாகி இருக்கிறார், ‘வடிவேலு த்ரோன்ஸ்’ யூடியூப் அலைவரிசையின் அட்மின்.
அதென்ன ‘வடிவேலு த்ரோன்ஸ்’? வைரலான, ஹிட்டான பிரபல தமிழ்ப் பாடல்களுக்கு ஆங்கிலத் திரைப்படங்கள், வெப்சீரிஸ் காட்சிகளைச் சேர்த்து உருவாக்கப்படும் காணொளிகள் ‘வடிவேலு த்ரோன்ஸ்’ யூடியூப் பக்கத்தில் நிறைந்து கிடக்கின்றன.