சமகால இந்தியக் கலை சினிமாவில் அச்சு அசலான கிராமத்தின் யதார்த்த வாழ்வைத் தனது திரைப்படங்களில் பிரதியெடுப்பவர் ரிமா தாஸ். நுட்பமான வாழ்க்கைக் கூறுகளைத் திரையில் பதியமிடுவதன்வழி அஸ்ஸாமிய சினிமாவை, உலக சினிமாவின் அகண்டப் பரப்பில் அங்கப்படுத்தியவர். அவர் 2017ஆம் ஆண்டு இயக்கிய ‘கிராமராக் இசைக்கலைஞர்கள்’ (Village Rockstars) ஆஸ்கர் போட்டிக் களத்தில் பங்கேற்று உலகப் பார்வையாளர்களின் கவனத்தைப் பெற்றது.
கடந்த ஆண்டு அப்படத்தின் இரண்டாம் பாகம் வெளிவந்து, பார்வை யாளர்களை மீண்டும் வியப்பில் ஆழ்த்தியது. முதல் பாகத்தைவிடக் கூடுதலான வீர்யத்துடனும் பரந்துபட்ட கண்ணோட்டத்தோடும் இரண்டாம் பாகத்தை ரிமா தாஸ் வடிவமைத்திருந்தார்.
