ராஜஸ்தான் மாநிலம், பரத்பூர் அருகே சேவாரில் உள்ள பிரஜேந்திர பிஹாரிஜி கோயில், வித்தியாசமான கோயிலாக விளங்குகிறது. பொதுவாக கிருஷ்ணர் கோயில்களில், கிருஷ்ணருக்கு ஜோடியாக ராதாவே இருப்பார். ஆனால் இந்தக் கோயிலில் கிருஷ்ணர் ருக்மிணி சத்தியபாமாவுடன் அருள்பாலிகிறார்.
சேவார் கோட்டைக்கு முன்னால் பிரஜேந்திர பிஹாரிஜி கோயில் அமைந்துள்ளது. ஏறத்தாழ 150 ஆண்டுகளுக்கு முன்பு பரத்பூர் அரச குடும்பத்தைச் சேர்ந்த மகாராஜா ஜஸ்வந்த் சிங் காலத்தில் இக்கோயில் கட்டப்பட்டுள்ளது. மகாராஜா தனது பேரன் பிரஜேந்திர சிங்கின் பிறப்பை கொண்டாடும் வகையில் கட்டியதாக கூறப்படுகிறது.
