இஸ்லாமிய கடமைகளில் தொழுகை ஒரு முக்கிய கடமையாகும். நேரம் தவறாமல் குறிப்பிட்ட நேரத்தில் அதை நிறைவேற்ற வேண்டும். உடல் தூய்மை பேணி, நமது எண்ணங்களை முழுமையாக இறைவனை நோக்கி ஒருமுகப்படுத்தி தொழ வேண்டும். தொழுகைக்கான ஒரு குறிப்பிட்ட காலக் குறியீடு, நேரக் கோட்பாடுகளுக்கு இஸ்லாம் மதத்தை பொறுத்த வரையில் இதில் சமரசம் இல்லை. தொழுகைக்கான இடம் மசூதியாகவும் கூட்டு தொழுகையாகவும் இருப்பது சிறப்பானது.
ஒரு நாளின் ஐந்து நேரம் மனிதன் இறைவனை நினைவுகூர (தொழுகை) வேண்டும். அதிகாலை - வைகறை பொழுது அதாவது லேசான வெளிச்சமும் இருட்டும் கலந்த போழுது - ஸீபுஹ். சூரியன் நடுவானில் இருந்து சற்று விலகி இருக்கும் நேரம் – ளுஹர். சூரியன் மஞ்சள் நிறமாக மாறும் நேரம் - அஸர். சூரிய வெளிச்சம் மங்கும் நேரம் அஸ்தமனம் – மஃகரிப். முழுமையாக இருட்டு ஆக்கிரமிக்கும் நேரம் -இஷா.
