Published : 07 Dec 2021 03:06 am

Updated : 07 Dec 2021 11:04 am

 

Published : 07 Dec 2021 03:06 AM
Last Updated : 07 Dec 2021 11:04 AM

சேதி தெரியுமா?

weekly-news

நவ.28: இந்திய டெஸ்ட் கிரிக்கெட்டில் அதிக விக்கெட் வீழ்த்தியவர்களின் பட்டியலில் ஹர்பஜன் சிங்கை (417) பின்னுக்குத் தள்ளி மூன்றாவது இடத்துக்கு முன்னேறினார் ரவிச்சந்திரன் அஸ்வின் (418). முதலிடத்தில் அனில் கும்ப்ளே (619) உள்ளார்.

நவ.28: கோவாவில் நடந்த 52-வதுசர்வதேசத் திரைப்பட விழாவில், இந்தியாவில் சினிமா படப்பிடிப்பு நடத்த உகந்த மாநிலமாக உத்தர பிரதேசம் மாநிலம் தேர்வானது.

நவ.29: கரீபியன் கடலில் மேற்கிந்தியத் தீவுப் பிராந்தியத்தில் உள்ள பார்படாஸ், பிரிட்டன் ஆளுகையிலிருந்து விலகி புதிய குடியரசு நாடாக அறிவித்துக் கொண்டது.

நவ.30: ட்விட்டர் நிறுவனத்தின் புதிய தலைமைச் செயல் அதிகாரியாக இந்தியரான பராக் அகர்வால் நியமிக்கப்பட்டார்.

டிச.1: இந்தியாவில் கிரிப்டோ கரன்சிக்கு அங்கீகாரம் அளிக்கும் திட்டம் எதுவும் அரசிடம் இல்லை என்று மத்திய நிதியமைச்சர் நிர்மலா சீதாராமன் தெரிவித்தார்.

டிச.2: உலகத் தடகள அமைப்பின் சார்பில் 2021ஆம் ஆண்டின் சிறந்த பெண்மணியாக, உலகத் தடகள சாம்பியன்ஷிப் போட்டியில் பதக்கம் வென்ற முதல் இந்தியர் அஞ்சு பாபி ஜார்ஜ் தேர்வு செய்யப்பட்டார்.

டிச.2: உலக நாடுகளில் வேகமாகப் பரவி வரும் வேற்றுருவம் அடைந்த ‘ஒமைக்ரான்’ கரோனா வைரஸ் தொற்று கர்நாடகத்தில் இருவருக்கு இருப்பது கண்டுபிடிக்கப்பட்டது.

டிச.3: நாடு முழுவதும் ஒரே சீரான அணை பாதுகாப்பு நடைமுறைகளைக் கடைப்பிடிக்க வழிசெய்யும் பாதுகாப்பு மசோதா மக்களவையில் நிறைவேறியது.

டிச.3: தமிழக அரசுப் பணிகளுக்கான போட்டித் தேர்வுகளில் தமிழ் மொழித்தாளைக் கட்டாயமாக்கி அரசாணை வெளியிடப்பட்டது.

டிச.4: தமிழகத்தின் முன்னாள் ஆளுநரும் ஆந்திரத்தின் முன்னாள் முதல்வருமான ரோசய்யா (88) உடல்நலக் குறைவால் காலமானார்.

சேதி தெரியுமாWeekly Newsஇந்திய டெஸ்ட் கிரிக்கெட்கரீபியன் கடல்ட்விட்டர் நிறுவனம்கிரிப்டோ கரன்சிஒமைக்ரான்’ கரோனா வைரஸ்ஒமைக்ரான்’கரோனா வைரஸ்தமிழ் மொழித்தாள்ரோசய்யா

Sign up to receive our newsletter in your inbox every day!

More From This Category

More From this Author

weekly-news

சேதி தெரியுமா?

இணைப்பிதழ்கள்
weekly-news

சேதி தெரியுமா?

இணைப்பிதழ்கள்
weekly-news

சேதி தெரியுமா?

இணைப்பிதழ்கள்
weekly-news

சேதி தெரியுமா?

இணைப்பிதழ்கள்
x