Published : 23 Mar 2016 12:31 PM
Last Updated : 23 Mar 2016 12:31 PM
அதிக விலையுள்ள மீன் எது? வஞ்சிரம் மீன் என்று நாம் சொல்லுவோம். ஆனால், ஜப்பானில் இந்தக் கேள்வியைக் கேட்டால் ‘ட்யூனா’ மீன் என்று சொல்வார்கள். அங்கு இந்த மீன்தான் மிகவும் விலையுயர்ந்த மீனாம். ட்யூனா மீனை தமிழில் சூரை மீன் என்று சொல்வார்கள்.
‘ட்யூனா’ மீன்கள் உலகிலேயே மிகச் சுவையானவையாம். பசிபிக் கடலில் அதிகம் கிடைக்கும் இந்த மீனின் ருசிக்கு ஜப்பானியர்கள் அடிமை. அதிலும் ‘ப்ளூஃபின் ட்யூனா’ இன்னும் சுவை அதிகம். சில ஆண்டுகளுக்கு முன்பு ஜப்பான் தலைநகர் டோக்கியோவில் ‘ப்ளூஃபின் ட்யூனா’ மீன் ஏலம் விடப்பட்டது. 222 கிலோ எடையுள்ள இந்த மீன் இந்திய மதிப்பில் 9 கோடியே 43 லட்சம் ரூபாய்க்கு விற்பனையானது.
உலகிலேயே அதிக விலைக்கு விற்கப்பட்ட மீன் இதுதான். இதை ஏலத்துக்கு எடுத்தவர்கள் ஒரு சிறிய மீன் துண்டை 1,300 ரூபாய்க்கு விற்றார்கள். ஜப்பானில் ட்யூனா மீன் தொடர்ந்து பிடிக்கப் பட்டதால், தற்போது இந்த மீன் பெருமளவு அழிந்துவிட்டது என்று கூறுகிறார்கள்.
- சதீஷ், 7-ம் வகுப்பு, மாநகராட்சிப் பள்ளி அம்பத்தூர், சென்னை.
Sign up to receive our newsletter in your inbox every day!
WRITE A COMMENT