Published : 05 Jan 2021 09:49 am

Updated : 05 Jan 2021 09:49 am

 

Published : 05 Jan 2021 09:49 AM
Last Updated : 05 Jan 2021 09:49 AM

சேதி தெரியுமா?

weekly-news

தொகுப்பு: மிது

டிச.23: ஜெர்மனியில் நடைபெற்ற கொலோன் உலகக் கோப்பை குத்துச்சண்டை போட்டியில் இந்தியா 3 தங்கம், 2 வெள்ளி, 4 வெண்கலப் பதக்கங்களை வென்று இரண்டாம் இடத்தைப் பிடித்தது.


டிச.24: மூத்த சமூகப் பண்பாட்டு ஆய்வாளர் தொ.பரமசிவன் காலமானார். மனோன்மணியம் சுந்தரனார் பல்கலைக்கழகத்திலும் மதுரை தியாகராஜர் கல்லூரியிலும் தமிழ்ப் பேராசிரியராகப் பணியாற்றியவர். தமிழ்ச் சமூக மரபு சார்ந்த ஆராய்ச்சிக்காக அறியப்பட்டவர்.

டிச.26: தமிழகத்தில் 2021 மே மாதம் நடைபெற உள்ள சட்டப்பேரவைத் தேர்தலில் 80 வயதுக்கு மேற்பட்டவர்கள், மாற்றுத் திறனாளிகளுக்கு அஞ்சல் வாக்கு முறை அறிமுகம் செய்யப்படும் என்று தேர்தல் ஆணையம் அறிவித்துள்ளது.

டிச. 26: அருணாசலப்பிரதேசம், மணிப்பூர், மிசோரம், நாகாலாந்து, தெலங்கானா, கேரளம், ஒடிசா, கர்நாடகம் ஆகிய மாநிலங்களில் மத்திய விளையாட்டுத் துறை அமைச்சகம் கேலோ இந்தியா சிறப்பு மையங்களைத் திறந்துள்ளது.

டிச.28: கேரளத்தின் திருவனந்தபுரம் மாநகராட்சி மேயராக மார்க்சிஸ்ட் கம்யூனிஸ்ட் கட்சியைச் சேர்ந்த ஆர்யா ராஜேந்திரன் பதவியேற்றார். 21 வயதான இவர், இந்தியாவின் இளம் மேயர் என்கிற சிறப்பை பெற்றார்.

டிச.28: டெல்லி மெட்ரோவின் மெஜந்தா பாதையில் இந்தியாவின் முதல் ஓட்டுநர் இல்லாத ரயில் சேவை தொடங்கப்பட்டது.

டிச.31: சென்னை உயர்நீதி மன்றத்தின் 50-வது தலைமை நீதிபதியாக சஞ்சீவ் பானர்ஜி நியமிக்கப்பட்டார். தலைமை நீதிபதியாக இருந்த ஏ.பி.சாஹியின் பதவிக்காலம் நிறைவடைந்ததையடுத்து இவர் நியமிக்கப்பட்டுள்ளார்.

ஜன. 2: நாடு முழுவதும் 116 மாவட்டங்களில் 259 மையங்களில் கரோனா தடுப்பூசி ஒத்திகை நடைபெற்றது. தமிழகத்தில் 5 மாவட்டங்களில் 17 மையங்களில் தடுப்பூசி ஒத்திகை நடைபெற்றது.


ஜெர்மனிஉலகக் கோப்பை குத்துச்சண்டைகேரளம்திருவனந்தபுரம் மாநகராட்சிடெல்லி மெட்ரோசென்னை உயர்நீதி மன்றம்Weekly News

Sign up to receive our newsletter in your inbox every day!

More From This Category

More From this Author

x