Published : 06 Mar 2020 08:54 am

Updated : 06 Mar 2020 08:54 am

 

Published : 06 Mar 2020 08:54 AM
Last Updated : 06 Mar 2020 08:54 AM

ஹாலிவுட் ஜன்னல்: முயல்களின் இரண்டாம் முற்றுகை

hollywood-jannal

சுமன்

பீட்ரிக்ஸ் பாட்டர் என்ற குழந்தைகள் எழுத்தாளர் எழுதிய ‘தி டேல் ஆஃப் பீட்டர் ராபிட்’ கதைகளைத் தழுவிய ‘பீட்டர் ராபிட்’ திரைப்படத்தின் முதல் பாகம் 2018-ல் வெளியானது. இந்த லைவ் ஆக்‌ஷன் - அனிமேஷன் திரைப்படத்தின் வெற்றியைத் தொடர்ந்து ‘பீட்டர் ராபிட் 2: தி ரன்அவே’ என்ற தலைப்பில் தற்போது இரண்டாம் பாகம் வெளியாகிறது.

யானைகளின் வலசைப் பாதையை மறித்து விவசாயம் செய்வதுபோல் முயல்கள் வாழும் வனப்பகுதியில் ஜோ என்ற பெரியவர் தோட்டமிடுகிறார். முயல் கூட்டத்தின் சுட்டியான பீட்டர் தலைமையில் ஜோவின் தோட்டத்தில் சேட்டைகள் நடக்கின்றன. ஜோவின் உறவினரான தாமஸ் என்ற இளைஞர் பொறுப்பேற்றதும், முயல்களுக்கு எதிரான வேட்டை தீவிரமாகிறது.

அதே வேளை முயல்களுக்குப் பிரியமான பியா என்ற பெண்ணுடன் தாமஸ் நெருக்கம் வளர்க்க, அதற்கு பீட்டர் தலைமையில் முட்டுக்கட்டைகள் விழுகின்றன. தாமஸ்-பியா ஜோடியைப் பிரிக்க முயல்கள் முயல்வதும், தாமஸ் பதிலடி தருவதுமே ‘பீட்டர் ராபிட்’ கதையின் முதல் பாகம்.

இந்த முயல் சேட்டைகளின் அடுத்த முற்றுகையாக வெளியாகவிருக்கும் இரண்டாம் பாகத்தில் பியா-தாமஸ் ஜோடி திருமணம்வரை முன்னேற, அதைச் சகியாத பீட்டர், புதிய போர்க்கோலம் எடுக்கிறான். புதிய நண்பர் பரிவாரத்துடன், நீர், நிலம், வானம் என சகலத்திலும் சாகசங்கள் தொடர்கின்றன. முதல் பாகத்தைப் போன்றே 3டி, லைவ் ஆக்‌ஷன், அனிமேஷனில் நகைச்சுவை கலந்து மீண்டும் பீட்டர் ராபிட் புறப்பட்டுள்ளான்.

டாம்னால் க்ளீசன், ரோஸ் பெர்ன் உள்ளிட்டோர் நடிக்க, ஜேம்ஸ் கார்டன், மார்கட் ராபி, காலின் மூடி உள்ளிட்ட நடிகர்கள் முயல் கதாபாத்திரங்களுக்குப் பின்னணிக் குரல் தந்துள்ளனர். இரண்டாம் பாகத்தையும் வில் க்ளூக் இயக்கி உள்ளார். இப்படம் ஏப்ரல் 3 அன்று திரையரங்குகளில் வெளியாக உள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

ஹாலிவுட் ஜன்னல்முயல்கள்முற்றுகைகுழந்தைகள்எழுத்தாளர்தி டேல் ஆஃப் பீட்டர் ராபிட்யானைகள்முயல் சேட்டைகள்

Sign up to receive our newsletter in your inbox every day!

You May Like

More From This Category

More From this Author