மசெராட்டியின் 3 புதிய அறிமுகங்கள்

நூற்றாண்டு பழமைமிக்க இத்தாலிய பிராண்டான மசெராட்டி, கடந்த வாரம் அதன் மூன்று புதிய மாடல்களை இந்தியாவில் அறிமுகம் செய்துள்ளது. கிப்லி கிரான்ஸ்போர்ட், லெவண்டே கிரான்லூசோ மற்றும் குவாட்ரோபோர்ட் கிரான்ஸ்போர்ட். கிப்லி, 423.7 ஹார்ஸ் பவரை 5750 ஆர்பிஎம்-ல் உற்பத்தி செய்யும் 2979 சிசி இன்ஜினைக் கொண்டிருக்கிறது. இதன் பெட்ரோல் இன்ஜின் லிட்டருக்கு 17 கிமீ மைலேஜ் தரக்கூடியது. இதன் விற்பனையக விலை ரூ.1.44 கோடி முதல் ஆரம்பமாகிறது.

லெவண்டே கிரான்லூசோ, 270.88 ஹார்ஸ்பவரை 4000 ஆர்பிஎம்-ல் உற்பத்தி செய்யும் 2987 சிசி இன்ஜினை கொண்டுள்ளது. இதன் பெட்ரோல் என்ஜின் லிட்டருக்கு 12 கிமீ மைலேஜ் தரும். விலை ரூ.1.53 கோடி முதல் ஆரம்பமாகிறது.

குவாட்ரோபோர்ட் கிரான்ஸ்போர்ட், 571 ஹார்ஸ் பவரை 6800 ஆர்பிஎம்-ல் உற்பத்தி செய்யும் 2999 சிசி இன்ஜினைக் கொண்டிருக்கிறது. டீசல் இன்ஜின் மாடலான இது, லிட்டருக்கு 12 கிமீ மைலேஜ் தரக் கூடியது. விலை ரூ.1.73 கோடி முதல் ஆரம்பம். இந்த மூன்று மாடல்களும் 5 பேர் அமரும் அளவுக்கு இருக்கை வசதியைக் கொண்டுள்ளது.