Published : 18 Mar 2014 12:56 pm

Updated : 07 Jun 2017 11:24 am

 

Published : 18 Mar 2014 12:56 PM
Last Updated : 07 Jun 2017 11:24 AM

மர்ஜரியாசனம் - விலங்குகளைப் போல நிற்கும் ஆசனம்

நாலு கால் உயிரினங்களைப் போன்ற நிலையில் நிற்கும் ஆசனம் இது. முதுகு, இடுப்பு வலியைப் போக்க மிகவும் பயனுள்ள ஆசனம்.

செய்முறை


# முதலில் முழங்கால்களை ஊன்றிப் பிறகு கைகளை முன்னே கொண்டுசெல்லவும்.

# முழங்காலில் உடலைத் தாங்க முடியாதவர்கள் சாதாரணமாக அமர்ந்த நிலையிலிருந்து கைகளை முன்னே நீட்டிக் கைகளை ஊன்றிக்கொள்ளலாம். பிறகு முழங்காலை மடித்துக் கால்களை நீட்டி உடலை மேலே தூக்கலாம்.

# குப்புறப் படுத்த நிலையிலிருந்தும் இந்த நிலைக்கு வரலாம்.

# முழங்கால்கள் இடுப்புக்கு நேர் கீழே இருக்க வேண்டும். கைகள் தோள்பட்டைகளுக்கு நேர் கீழே இருக்க வேண்டும்.

ஆசனப் பயிற்சி

# மூச்சை ஆழமாக உள்ளே இழுங்கள். இழுக்கும்போது தலை மேல் நோக்கி உயரட்டும். இப்போது முதுகு வளைந்து வயிறு தரையை நோக்கித் தாழும்.

# இழுக்கும் மூச்சு அடிவயிறுவரை செல்ல வேண்டும். மூச்சு நிரம்பி அடிவயிறு உப்ப வேண்டும்.

# அப்படி இழுக்கப்பட்ட மூச்சை அப்படியே சில விநாடிகள் வைத்திருக்கவும். 5 முதல் 30 விநாடிகள்வரை அவரவர் திறனுக்கேற்ப வைத்திருக்கலாம்.

# சீராகவும் மெதுவாகவும் மூச்சை வெளியேற்றியபடி தலையைச் சற்றே தாழ்த்த வேண்டும். தலை பூமிக்கு இணையாக, கைகளுக்கு நடுவே இருக்க வேண்டும். வளைந்த முதுகு நேராக வேண்டும்.

# இந்த நிலையில் சில விநாடிகள் இருக்கவும்.

# ஐந்து முதல் பத்து முறை இதைத் திரும்பத் திரும்பச் செய்யவும்.

வெளியேறும் முறை

# கைகளை எடுத்துவிட்டு மீண்டும் முழங்கால்களில் அமர்வது. முழங்காலில் அமர முடியாதவர்கள் சாதாரணமாக அமரலாம்.கவனிக்க வேண்டியவை:

# ஆசன நிலையில் இருக்கும்போது கைகள் இரண்டும் வளையாமல் இருக்க வேண்டும்.

# கழுத்து, முதுகு, இடுப்பு ஆகிய பகுதிகளில் இறுக்கம் இருக்கக் கூடாது.

# முதுகு கூன் போடாமல் இருக்க வேண்டும். சிங்கம் நிற்கும் நிலையைக் கற்பனை செய்துகொண்டால் முதுகு தானாக நிமிரும்.

பலன்கள்

# பொதுவானவை: அடிவயிறு சுருங்குவதால் அந்தப் பகுதியில் உள்ள கொழுப்பு குறையும். இதனால் தொப்பையும் கரையும்.

# கைகள், அடிவயிறு, முதுகு, இடுப்பு ஆகியவை வலுப்பெறும்.

# இடுப்பு, முதுகு வலிக்குச் சிறந்த நிவாரணம். உடலின் எடையைக் கைகளிலும் கால்களிலும் சமமாகப் பிரித்து அளிப்பதால் கால், இடுப்புப் பகுதிகளின் சிரமம் குறைகிறது.

# பெண்களுக்கு இடுப்புப் பகுதியைச் சீராக இயக்க வைத்துக் கர்ப்பப் பையைப் பலப்படுத்தும்.


மர்ஜரியாசனம்யோகாசனம்உடற்பயிற்சி

Sign up to receive our newsletter in your inbox every day!

More From This Category

More From this Author

உருமாற்றம்

இணைப்பிதழ்கள்
x