நியூயார்க்: ஆண்டின் கடைசி கிராண்ட் ஸ்லாம் போட்டியான அமெரிக்க ஓபன் டென்னிஸ் தொடர் வரும் 30-ம் தேதி நியூயார்க் நகரில் தொடங்குகிறது. இந்தத் தொடரில் மகளிர் இரட்டையர் பிரிவில் அமெரிக்க சகோதரிகளான செரீனா வில்லியம்ஸ், வீனஸ் வில்லியம்ஸ் ஜோடி மீண்டும் களமிறங்குகிறது. இருமுறை சாம்பியனான இந்த ஜோடிக்கு அமெரிக்க ஓபனில் 'வைல்டு கார்டு' வழங்கப்பட்டுள்ளது.
நான்கு ஆண்டுகள் இடைவெளிக்குப் பிறகு டென்னிஸுக்குத் திரும்பிய செரீனா சமீபத்தில் நடைபெற்ற சின்சினாட்டி ஓபனில் வீனஸுடன் இணைந்து விளையாடி முதல் சுற்றோடு வெளியேறினார். 1999 மற்றும் 2009-ம் ஆண்டுகளில் அமெரிக்க ஓபன் இரட்டையர் பட்டத்தை வென்ற இவர்கள், அமெரிக்க ஓபனில் 9 முறை விளையாடி 27-7 என்ற வெற்றி-தோல்வி கணக்கைக் கொண்டுள்ளனர்.
தற்போது 44 வயதாகும் செரீனா, கலப்பு இரட்டையர் பிரிவில் ஸ்பெயினின் கார்லோஸ் அல்காரஸுடன் இணைந்து கால் இறுதி சுற்று வரை முன்னேறினார். 46 வயதாகும் வீனஸ், மகளிர் ஒற்றையர் பிரிவிலும் போட்டியிடுகிறார்.
வில்லியம்ஸ் சகோதரிகள் இணைந்து இதுவரை 14 கிராண்ட்ஸ்லாம் இரட்டையர் பட்டங்களையும், 3 ஒலிம்பிக் தங்கப் பதக்கங்களையும் வென்று சாதனை படைத்துள்ளனர்.
