டிரினிடாட்: மேற்கு இந்தியத் தீவுகள் கிரிக்கெட் அணி ஆப்கானிஸ்தானுக்கு 3 ஆட்டங்கள் கொண்ட டி 20 தொடரில் விளையாட உள்ளது. இந்தத் தொடர் வரும் ஜனவரி 19 முதல் 22-ம் தேதி வரை துபாயில் நடைபெறுகிறது.
இந்தத் தொடருக்கான 16 பேர் கொண்ட மேற்கு இந்தியத் தீவுகள் அணி அறிவிக்கப்பட்டுள்ளது. ஷாய் ஹோப், எஸ்ஏ20 தொடரில் விளையாடி வருவதால் பிரண்டன் கிங் கேப்டனாக அறிவிக்கப்பட்டுள்ளார். அறிமுக வீரராக குவென்டின் சாம்ப்சன் சேர்க்கப்பட்டுள்ளார்.
மேலும் எவின் லீவிஸ், ஷமர் ஜோசப் ஆகியோரும் அணிக்கு திரும்பி உள்ளனர். ஜேசன் ஹோல்டர், ரோமாரியோ ஷெப்பர்டு, ரோவ்மன் பொவல் ஆகியோருக்கு ஓய்வு கொடுக்கப்பட்டுள்ளது.
அணி விவரம்: பிரண்டன் கிங் (கேப்டன்), அலிக் அதானாஸ், கீசி கார்டி, ஜான்சன் சார்லஸ், ஷிம்ரன் ஹெட்மயர், மேத்யூ ஃபோர்டு, ஜஸ்டின் கிரீவ்ஸ், அமீர் ஜாங்கூ, ஷமர் ஜோசப், எவின் லூயிஸ், குடகேஷ் மோட்டி, காரி பியர், குவென்டின் சாம்ப்சன், ஜெய்டன் சீல்ஸ், ரமோன் சிம்மண்ட்ஸ், ஷமர் ஸ்பிரிங்கர்.
