இந்தூர்: சையது முஸ்டாக் அலி டி20 தொடரில் தமிழக அணி தனது முதல் ஆட்டத்தில் நேற்று ரயில்வே அணியுடன் மோதியது.
இந்தூரில் நடைபெற்ற இந்த ஆட்டத்தில் முதலில் பேட் செய்த தமிழக அணி 20 ஓவர்களில் 7 விக்கெட்கள் இழப்புக்கு 172 ரன்கள் குவித்தது. அதிகபட்சமாக ஷாருக் கான் 46, அமித் சாத்விக் 38, பாலசுப்ரமணியம் சச்சின் 33, ராஜ்குமார் 31 ரன்கள் சேர்த்தனர்.
173 ரன்கள் இலக்குடன் பேட் செய்த ரயில்வே அணி 20 ஓவர்களில் 9 விக்கெட்கள் இழப்புக்கு 166 ரன்கள் எடுத்து தோல்வி அடைந்தது. அதிகபட்சமாக தவுஃபிக் உதின் 57, ஜுபைர் அலி 46 ரன்கள் எடுத்தனர்.
தமிழக அணி தரப்பில் அதிசயராஜ் டேவிட்சன் 3, வருண் சக்ரவர்த்தி 2 விக்கெட்களை வீழ்த்தினர். 6 ரன்கள் வித்தியாசத்தில் வெற்றி பெற்ற தமிழக அணி 4 புள்ளிளை பெற்றது.
