நியூஸிலாந்து அணி
வெலிங்டன்: நியூஸிலாந்து - மேற்கு இந்தியத் தீவுகள் அணிகள் இடையே 3 போட்டிகள் கொண்ட டெஸ்ட் கிரிக்கெட் தொடர் நடைபெற்று வருகிறது. இதில் கிறைஸ்ட்சர்ச்சில் நடைபெற்ற முதல் போட்டி டிராவில் முடிவடைந்தது.
இந்நிலையில் 2-வது டெஸ்ட் போட்டி வெலிங்டனில் நாளை (10-ம் தேதி) தொடங்குகிறது. இந்த போட்டிக்கான நியூஸிலாந்து அணி அறிவிக்கப்பட்டுள்ளது.
முதல் போட்டியின் போது காயம் அடைந்த மேட் ஹென்றி, நேதன் ஸ்மித் ஆகியோர் நீக்கப்பட்டுள்ளனர். மேலும் காயம் காரணமாக முதல் போட்டியில் இடம் பெறாத ஆல்ரவுண்டர் மிட்செல் சாண்ட்னரும் விலகி உள்ளார்.
இவர்களுக்கு பதிலாக அறிமுக வேகப்பந்து வீச்சு ஆல்-ரவுண்டரான கிறிஸ்டியன் கிளார்க், கிளென் பிலிப்ஸ், டேரில் மிட்செல் ஆகியோர் சேர்க்கப்பட்டுள்ளனர். இதேபோன்று விக்கெட் கீப்பர் மிட்செல் ஹே, வேகப்பந்து வீச்சாளர் மைக்கேல் ரேஸ் ஆகியோரும் அணிக்குள் கொண்டுவரப்பட்டுள்ளார்.
அணி விவரம்: டாம் லேதம் (கேப்டன்), டேவன் கான்வே, கேன் வில்லியம்சன், வில் யங், ரச்சின் ரவீந்திரா, டேரில் மிட்செல், கிளென் பிலிப்ஸ், மிட்செல் ஹே, மைக்கேல் பிரேஸ்வெல், ஸாக் ஃபவுல்க்ஸ், ஜேக்கப் டஃபி, பிளேர் டிக்னர், மைக்கேல் ரே, கிறிஸ்டியன் கிளார்க்.
