அர்ஜெண்டினா கேப்டன் லியோனல் மெஸ்ஸி
சென்னை: “தோல்வி கொடுத்த வலி மிகவும் கடுமையானது. இந்தக் காயம் ஆற காலம் எடுக்கும்,” என்று உலகக் கோப்பை இறுதிப் போட்டி தோல்வி குறித்து அர்ஜெண்டினா கால்பந்து அணியின் மெஸ்ஸி உருக்கமாக சமூக வலைதளத்தில் பதிவிட்டுள்ளார்.
நடப்பு ஃபிபா உலகக் கோப்பை கால்பந்து தொடரின் இறுதிப் போட்டியில் 1-0 என்ற கோல் கணக்கில் ஸ்பெயின் அணியிடம் தோல்வி அடைந்த அர்ஜெண்டினா, சாம்பியன் பட்டத்தை இழந்துள்ளது. இந்நிலையில், இந்த தோல்வி குறித்து அர்ஜெண்டினா கேப்டன் லியோனல் மெஸ்ஸி உருக்கமான பதிவை இன்ஸ்டாகிராமில் வெளியிட்டுள்ளார்.
இந்த தொடரில் மொத்தம் 8 கோல்களை பதிவு செய்தார் மெஸ்ஸி. மேலும், தனது அணியின் வீரர்கள் கோல் பதிவு செய்ய நான்கு முறை அசிஸ்ட் செய்து உதவினார்.
கால்பந்து விளையாட்டின் தலைசிறந்த வீரர்களில் ஒருவராக அறியப்படும் அவர், தொடர்ந்து இரண்டாவது முறையாக உலக சாம்பியன் பட்டம் வெல்வார் என எதிர்பார்க்கப்பட்டது. ஆனால், அந்த எதிர்பார்ப்பை ஸ்பெயின் அணி தகர்த்தது. இறுதிப் போட்டியில் அவரது கட்டுப்பாட்டுக்கு பந்தை ஸ்பெயின் கொடுக்க மறுத்தது. அதனால் இறுதிப் போட்டியில் பந்தை மொத்தம் 54 முறை மட்டுமே மெஸ்ஸியின் கால்கள் தொட்டன.
“தோல்வி கொடுத்த வலி மிகவும் கடுமையானது. இந்தக் காயம் ஆற காலம் எடுக்கும். இந்நேரத்தில் சில நல்ல விஷயங்களை நினைவில் கொள்கிறேன். பின்னடைவில் இருந்து அபாரமாக ஆடி ஆட்டத்தில் திருப்புமுனை கொடுத்த அந்த அற்புத தருணங்கள் என்றென்றும் நம் நினைவில் நீங்காமல் இருக்கும்.
அணியின் கடின உழைப்பு மற்றும் அதற்கான முயற்சி மட்டுமல்லாது தேசத்தின் ஒட்டுமொத்த ஆதரவுடன் உலகின் சிறந்த அணிகளில் ஒன்று என்பதை வெளிக்கொண்டு வந்துள்ளோம். நம் சாதனைகளை இப்போது முழுவதுமாக பாராட்டுவது சற்று கடினம். ஆனால், தொடர்ந்து இரண்டு முறை இறுதிப் போட்டிக்கு முன்னேறி உள்ளோம் என்பதை குறிப்பிடுகிறேன்.
உங்களது வாழ்த்துக்கும், மெசேஜுக்கும் எனது மனப்பூர்வமான நன்றியை தெரிவித்துக் கொள்கிறேன். ‘நாம் அர்ஜெண்டினாவை சேர்ந்தவர்கள்’ என பெருமிதத்துடன் மீண்டும் ஒரு முறை உலக அரங்கில் நம்மால் ஒன்றாக நிற்க முடிந்தது.
சாம்பியன் பட்டம் வென்ற ஸ்பெயின் அணிக்கு எனது வாழ்த்துகள்” என்று மெஸ்ஸி அதில் தெரிவித்துள்ளார்.
உலகக் கோப்பையில் மெஸ்ஸி பதித்த தடம்
39 வயதான மெஸ்ஸி, உலகக் கோப்பை தொடர்களில் மொத்தம் 34 ஆட்டங்களில் விளையாடி உள்ளார். அதில் 23 வெற்றி, 21 கோல்களை பதிவு செய்துள்ளார். 27 ஆட்டங்களில் அணியின் கேப்டனாக அர்ஜெண்டினாவை வழிநடத்தி உள்ளார். 2022-ல் உலக சாம்பியன் பட்டம் வென்றுள்ளார்.
