அகமதாபாத்: விஜய் ஹசாரே கோப்பைக்கான போட்டியில் கர்நாடக அணி 8 விக்கெட் வித்தியாசத்தில் கேரளாவை வீழ்த்தி சிறப்பான வெற்றியைப் பதிவு செய்தது. கர்நாடக அணி வீரர்கள் கருண் நாயர், தேவ்தத் படிக்கல் ஆகியோர் அபாரமாக விளையாடி சதமடித்தனர்.
இந்தப் போட்டி அகமதாபாத்திலுள்ள நரேந்திர மோடி மைதானத்தில் நேற்று நடைபெற்றது.
முதலில் விளையாடிய கேரள அணி 50 ஓவர்களில் 7 விக்கெட் இழப்புக்கு 284 ரன்கள் குவித்தது. கேரள அணியின் அபராஜித் 71 ரன்கள் குவித்தார்.
பின்னர் விளையாடிய கர்நாடக அணி 48.2 ஓவர்களில் 2 விக்கெட் இழப்புக்கு 285 ரன்கள் குவித்து வென்றது. தேவ்தத் படிக்கல் 137 பந்துகளில் 127 ரன்கள் குவித்து அவுட்டானார். கருண் நாயர் 130, ஸ்மரன் ரவிச்சந்திரன் 25 ரன்கள் எடுத்து ஆட்டமிழக்காமல் இருந்தனர். இதன்மூலம் 8 விக்கெட் வித்தியாசத்தில் கர்நாடக அணி வெற்றி கண்டது.
இதர ஆட்டங்கள்: இதர ஆட்டங்களில் கோவா அணி 8 ரன்கள் வித்தியாசத்தில இமாச்சல பிரதேச அணியையும், பஞ்சாப் அணி 9 விக்கெட்கள் வித்தியாசத்தில் சத்தீஸ்கர்
அணியை தோற்கடித்தது. ஹரியானா அணி 6 விக்கெட்கள் வித்தியாசத்தில் சவுராஷ்டிரா அணியையும், ஆந்திர அணி 6 விக்கெட்கள் வித்தியாசத்தில் ரயில்வேஸையும், மத்திய பிரதேச அணி 2 விக்கெட் வித்தியாசத்தில் தமிழ்நாடு அணியையும், ஜம்மு-காஷ்மீர் அணி 142 ரன்கள் வித்தியாசத்தில் அசாம் அணியையும் வென்றன.
விஜய் ஹசாரே கோப்பை: உத்தராகண்டை வீழ்த்தியது மும்பை