கோப்புப் படம்
புதுடெல்லி: இந்தியா, நியூஸிலாந்து அணிகளுக்கு இடையிலான டி20, ஒருநாள் கிரிக்கெட் போட்டிகளுக்கான டிக்கெட் விற்பனை இன்று முதல் தொடங்கவுள்ளது.
நியூஸிலாந்து கிரிக்கெட் அணி இந்தியாவில் சுற்றுப்பயணம் செய்து 3 ஒருநாள் கிரிக்கெட் போட்டிகள் மற்றும் 5 சர்வதேச டி20 கிரிக்கெட் போட்டிகள் கொண்ட தொடரில் பங்கேற்க உள்ளது. இதில் முதலில் ஒருநாள் தொடரும் அதனைத் தொடர்ந்து சர்வதேச டி20 கிரிக்கெட் தொடரும் நடைபெற உள்ளது.
இந்தியா, நியூஸிலாந்து அணிகளுக்கு இடையிலான முதல் ஒருநாள் போட்டி வரும் ஜனவரி 11-ம் தேதி நடைபெறும். ஜனவரி 14 மற்றும் 18-ம் தேதிகளில் முறையே 2-வது மற்றும் மூன்றாவது ஒருநாள் போட்டி நடைபெறவுள்ளது.
இந்நிலையில் 3 ஒருநாள் போட்டிகளுக்கான டிக்கெட் விற்பனை தொடங்கும் தேதி நேற்று அறிவிக்கப்பட்டுள்ளது. அதன்படி முதல் ஒருநாள் போட்டிக்கான ஆன்லைன் டிக்கெட் விற்பனை டிசம்பர் 31-ம் தேதி(இன்று) காலை 11 மணி முதல் தொடங்கும் என தெரிவிக்கப்பட்டுள்ளது. 2-வது மற்றும் 3-வது ஒருநாள் போட்டிக்கான ஆன்லைன் டிக்கெட் விற்பனை ஜனவரி 1-ம் தேதி காலை 11 மணி முதல் தொடங்கும் என அறிவிக்கப்பட்டுள்ளது.
