ஆன் சே யங் உடன் பி.வி.சிந்து
பாரிஸ்: பிரெஞ்சு ஓபன் பாட்மிண்டன் போட்டியின் மகளிர் ஒற்றையர் பிரிவு இறுதிச் சுற்றில் இந்திய வீராங்கனை பி.வி. சிந்து தோல்வி கண்டார். பிரான்ஸில் பாரிஸ் நகரில் இப்போட்டிகள் நடைபெற்று வந்தன.
நேற்று நடைபெற்ற மகளிர் ஒற்றையர் இறுதிச் சுற்றில் ஒலிம்பிக் போட்டிகளில் 2 முறை பதக்கம் வென்றவரான பி.வி. சிந்துவும், உலக பாட்மிண்டன் வீராங்கனைகளின் தரவரிசையில் முதல் இடத்தில் இருப்பவரும், தென் கொரியாவைச் சேர்ந்தவருமான ஆன் சே யங்கும் மோதினர்.
இதில் ஆன் சே யங் 16-21, 21-11, 21-12 என்ற கணக்கில் பி.வி. சிந்துவை வீழ்த்தி பட்டம் வென்றார்.ஆன் சே யங்கிடம் தொடர்ச்சியாக 11 போட்டிகளில் பி.வி.சிந்து தோல்வி கண்டுள்ளார் என்பது குறிப்பிடத்தக்கது.
