Published : 18 Sep 2017 15:16 pm

Updated : 18 Sep 2017 15:16 pm

 

Published : 18 Sep 2017 03:16 PM
Last Updated : 18 Sep 2017 03:16 PM

சர்வதேச டி20 கிரிக்கெட்டில் 100 சிக்சர்கள்: கிறிஸ் கெய்லின் தனித்துவ சாதனை

20-100

டி20 கிரிக்கெட்டில் 10,000 ரன்களுக்கும் மேல் குவித்து சாதனை புரிந்துள்ள மே.இ.தீவுகளின் அதிரடி மன்னன் கிறிஸ் கெய்ல் சர்வதேச டி20 கிரிக்கெட்டில் 100 சிக்சர்களை அடித்து சாதனை புரிந்த முதல் வீரரானார்.

இங்கிலாந்துக்கு எதிரான ஒரே டி20 போட்டியில் சனிக்கிழமையன்று செஸ்டர் லீ ஸ்ட்ரீட்டில் 21 ரன்களில் வீழ்த்தியது மே.இ.தீவுகள். அதில் கெய்ல் 21 பந்துகளில் 49 ரன்கள் விளாசினார், இதில் 3 நான்குகள், 4 ஆறுகள் அடங்கும்.

அப்போது டி20 சர்வதேச கிரிக்கெட்டில் 100 சிக்சர்கள் அடித்துச் சாதனை புரிந்த முதல் வீரர் ஆனார் கிறிஸ் கெய்ல்.

இந்தச் சாதனையை தனது 52-வது போட்டியில் நிறைவேற்றினார் கெய்ல்

இங்கிலாந்தின் இடது கை வேகப்பந்து வீச்சாளர் டேவிட் வில்லே வீசிய பந்தை மிகப்பெரிய சிக்சருக்குத் தூக்கி இந்தச் சாதனையை நிகழ்த்தினார்.

அதிக டி20 சிக்சர்களில் தற்போது கிறிஸ் கெய்ல் 103 சிக்சர்களுடன் முதலிடம் வகிக்க பிரெண்டன் மெக்கல்லம் 91 சிக்சர்களுடன் 2-ம் இடத்திலும் ஷேன் வாட்சன் 83 சிக்சர்களுடன் 3-ம் இடத்திலும், டேவிட் வார்னர் 74 சிக்சர்களுடன் 4-ம் இடத்திலும் ஷாகித் அப்ரீடி 73 சிக்சர்களுடன் 5-ம் இடத்திலும் உள்ளனர்

கிறிஸ் கெய்ல் 52 சர்வதேச டி20 போட்டிகளில் மே.இ.தீவுகளுக்காக 103 சிக்சர்களையும் 134 பவுண்டரிகளையும் விளாசியுள்ளார் ஒருநாள் போட்டிகளில் கெய்ல் 238 சிக்சர்கள் அடித்துள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Sign up to receive our newsletter in your inbox every day!

You May Like

More From This Category

More From this Author