இந்திய ஒருநாள் போட்டி அணியில் ரவீந்திர ஜடேஜா சேர்ப்பு

அக்சர் படேல் காயமடைந்ததால் அவருக்கு மாற்றாக ஆஸ்திரேலியாவுக்கு எதிரான முதல் 3 ஒருநாள் போட்டிகளுக்கான இந்திய அணியில் ஜடேஜா மீண்டும் சேர்க்கப்பட்டுள்ளார்.

ஐசிசி டெஸ்ட் தரவரிசையில் 2-ம் இடத்தில் உள்ள ஜடேஜா, ஒருநாள் போட்டிகளில் சமீப காலமாக விக்கெட்டுகளை வீழ்த்தவும் ரன்களைக் கட்டுப்படுத்தவும் திணறி வருகிறார்.

ஜூன் மாதம் நடந்த சாம்பியன்ஸ் டிராபி கிரிக்கெட் தொடரில் ஜடேஜா 62.25 என்ற சராசரியில் 4 விக்கெட்டுகளைக் கைப்பற்றினார். சிக்கன விகிதமும் ஓவருக்கு 5.92 ரன்கள்.

இதற்கு அடுத்தபடியாக மே.இ.தீவுகளில் நடைபெற்ற ஒருநாள் தொடரில் இரண்டு போட்டிகளில் விக்கெட்டுகளை வீழ்த்தவில்லை ஜடேஜா.

இந்நிலையில் ஆஸ்திரேலியாவுக்கு எதிராக அவருக்கு வாய்ப்பு வழங்கப்பட்டுள்ளது.